Orrusta

Úr Wikipediu, frjálsa alfræðiritinu
Málverk af orrustunni við Waterloo eftir William Sadler.

Orrusta er meiri háttar vopnuð átök í stríði milli tveggja eða fleiri herja. Markmið orrusta eru yfirleitt eitt af þrennu:

  • að ná hernaðarlegum yfirráðum á tilteknu svæði lands, sjávar eða lofts, með því að hrekja óvininn frá þeim svæðum
  • að umkringja her óvinarins til þess að útrýma honum eða gera óvígan
  • að brjótast út úr herkví til þess að bjarga umkringdum her

Orrustur fara yfirleitt fram í herförum samkvæmt tiltekinni hernaðaráætlun þar sem herkænska er notuð. Aðili er sagður hafa haft sigur í orrustu þegar andstæðingurinn hefur gefist upp, flúið af hólmi eða verið eytt. Orrustur geta einnig endað með jafntefli ef báðir aðilar hörfa frá áður en niðurstaða er fengin. Sjóorrustur eru orrustur háðar á sjó milli flota viðkomandi herja. Loftbardagi er orrusta í lofti, sem háð er milli loftherja.

  Þessi grein er stubbur. Þú getur hjálpað til með því að bæta við greinina.