Montreux

Úr Wikipediu, frjálsa alfræðiritinu
Stökkva á: flakk, leita
Skjaldarmerki Montreux Lega Montreux í Sviss
Montreux-coat of arms.svg
Karte Gemeinde Montreux 2008.png
Upplýsingar
Kantóna: Vaud/Waadt
Flatarmál: 33,40 km²
Mannfjöldi: 24.579 (31. des 2010)
Hæð yfir sjávarmáli: 390 m
Vefsíða: www.montreux.ch

Montreux er þriðja stærsta borgin í kantónunni Vaud í Sviss. Hún er þekkt fyrir tónlistarviðburði og afar fagurt fjallaumhverfi.

Lega og lýsing[breyta]

Montreux liggur við austurenda Genfarvatns, austarlega í kantónunni. Næstu borgir eru Lausanne til vesturs (30 km), Bern til norðurs (80 km) og Sion til suðausturs (70 km). Um 75% íbúanna eru frönskumælandi.

Skjaldarmerki[breyta]

Skjaldarmerki Montreux er samsett úr bæjunum Châtelard og Les Planches. Kirkjan til hægri er aðalkirkjan í Montreux í dag.

Orðsifjar[breyta]

Heitið Montreux er dregið af orðinu monasterium, sem merkir klaustur.

Söguágrip[breyta]

  • Á miðöldum tilheyrði borgarsvæðið klaustrinu Saint-Maurice í Valais, seinna biskupnum í Sion.
  • 1317 varð svæðið og byggðin eign Savoy.
  • 1536 hertók Bern allt svæðið.
  • 1803 var svæðið innlimað í nýstofnaðri kantónunni Vaud. Bæirnir voru þrír: Châtelard, Veytaux og Les Planches.
  • Síðla á 19. öld urðu bæirnir þekktir ferðamannabæir. Þekktir þjóðhöfðingjar sóttu þá heim, sem og þekktir listamenn.
  • 1962 sameinuðust bæirnir Châtelard og Les Planches og fékk nýi bærinn heitið Montreux. Íbúar Veytaux kusu að sameinast ekki nýja bænum.
  • Eftir heimstyrjöldina síðari varð Montreux þekktur sem hátíðar- og tónlistarbær.

Viðburðir[breyta]

Minnisvarði um Freddie Mercury
  • Montreux Jazz Festival er mikil tónlistarhátíð í borginni. Hún var fyrst haldin 1967 og tróðu margir frægir jazzarar upp, svo sem Ella Fitzgerald, Aretha Franklin, Count Basie og margir fleiri. Í gegnum árin hafa aðrar tónlistarstefnur, svo sem popp og rokk, haldið innreið sína í hátíðina. Þannig hafa tónlistarmenn og hljómsveitir á borð við Led Zeppelin, Frank Zappa, Simon & Garfunkel, Mike Oldfield, Carlos Santana, Leonard Cohen, Johnny Cash, Van Morrison, Deep Purple, Prince, Muse og margir fleiri leikið og sungið á hátíðinni. Fyrsta hátíðin stóð í þrjá daga. Á síðustu árum hefur hún hins vegar lengst og stendur að jafnaði yfir í rúmar tvær vikur.
  • Tónlist. Í Montreux er hljóðver og hafa ýmsar hljómsveitir tekið upp albúm þar. Þar má nefna hljómsveitina Queen, sem um árabil dvaldi í Montreux. Á gönguleiðinni við vatnsbakka Genfarvatns er stytta söngvarans Freddie Mercury en hann dvaldi lengi í Montreux. Minnisvarðinn var reistur eftir andlát hans 1991. Á tónleikum með Frank Zappa árið 1971 í spilavítinu í Montreux gerðist það að kveiknaði í húsinu og brann það niður. Viðstaddir tónleikana var hljómsveitin Deep Purple og sömdu þeir í kjölfarið lagið fræga Smoke on the Water, til minningar um brunann.
  • Rose d'Or er heiti á sjónvarpshátíð sem stofnuð var í Montreux 1961. Hér er um sjónvarpsefni að ræða, en eftir sýningar á útvöldu efni eru verðlaunin Gullna rósin veit fyrir besta sjónvarpsefnið. Verðlaunahafar eru oft frá öðrum löndum og meðal verðlaunahafa má nefna Barbra Streisand and other Musical Instruments, The Muppet-Show, The Benny Hill Show, Spitting Image, Mr. Bean, Monty Python og marga fleiri. Hátíðin hefur verið haldin árlega í Montreux frá 1961 til 2004, er hún var flutt til Luzern.

Vinabæir[breyta]

Montreux viðheldur vinabæjatengslum við eftirfarandi borgir:

Gallerí[breyta]

Heimildir[breyta]

Wikimedia Commons er með margmiðlunarefni sem tengist