Leifur heppni

Úr Wikipediu, frjálsa alfræðiritinu

Leifur heppni Eiríksson
Fædd(ur)	Leifur Eiríksson Um 980 Ísland
Látin(n)	Um 1020
Þekktur fyrir	Samkvæmt Eiríks sögu rauða var hann fyrstur manna af Evrópskum ættum til að fara til meiginlands Norður Ameríku
Trú	Kristni
Foreldrar	Eiríkur rauði Þorvaldsson, Þjóðhildur Jörundardóttir

Leifur heppni Eiríksson (um 980 — um 1020) var landkönnuður og er sagður hafa uppgötvað Norður-Ameríku fyrstur Evrópubúa.

Talið er að Leifur hafi fæðst um árið 980 á Íslandi, sonur Eiríks rauða Þorvaldssonar og Þjóðhildar, konu hans. Hann flutti með foreldrum sínum til Grænlands ungur að árum, ásamt bræðrum sínum, Þorvaldi og Þorsteini.

Í Grænlendingasögu segir frá þegar Leifur keypti bát Bjarna Herjólfssonar sem hafði áður siglt til Norður-Ameríku. Um árið 1000 sigldi Leifur frá Grænlandi og kom fyrst að landi í Norður-Ameríku, líklega þar sem Baffinflói er í dag. Hann sigldi næst sunnar og kemur nú að skógi vöxnu landi, líklega Labrador. Að lokum er talið að hann hafi komið að landi sem í dag er kallað Nýfundnaland. Leifur nefndi það Vínland eftir að hann fann vínber þar. Einnig voru þar ár fullar af fiski og grasið grænt árið um kring. Á Vínlandi byggðu Leifur og fylgismenn hans nokkur hús og höfðust við yfir veturinn.

Á heimleiðinni til Grænlands bjargaði Leifur 15 skipsbrotsmönnum af skeri og fékk upp úr því nafngiftina ‚hinn heppni‘.

[breyta] Tenglar

• Grænlendingasaga
• Ameríka, Ísland og Leifur Eiríksson; grein í Lesbók Morgunblaðsins 1965
• Saga Leifs heppna frá Reportet