Hvítasunnudagur

Úr Wikipediu, frjálsa alfræðiritinu
Stökkva á: flakk, leita
Niðurför heilags anda á handritalýsingu frá 15. öld.

Hvítasunnudagur (áður fyrr stundum nefndur hvítdrottinsdagur, píkisdagur eða pikkisdagur) er hátíð í kirkjuári kristinnar kirkju. Hann er 49. dagurinn eftir páskadag og tíundi dagurinn eftir uppstigningardag. Forngrískt heiti hans er πεντηκοστή [ἡμέρα] (pentekostē [hēmera]) sem merkir fimmtugasti (dagur). Dagsins er minnst sem þess dags þegar heilagur andi kom yfir lærisveinana og aðra fylgjendur Jesú eins og lýst er í Postulasögunni.

Frídagur á Íslandi[breyta]

Mánudagurinn eftir hvítasunnudag, annar í hvítasunnu, er almennur frídagur á Íslandi. Einnig var fram til ársins 1770 þriðji í hvítasunnu almennur frídagur, en það ár var hann afhelgaður, sem og þriðji í jólum og þrettándinn sem einnig hafði verið helgi-og frídagur. Eins var um þriðja í Páskum, þar sem konungi fannst íslensk alþýða hafa of mikið af almennum frídögum.

Hvítasunnudagur á næstu árum[breyta]

  • 2015 - 24. maí
  • 2016 - 15. maí
  • 2017 - 4. júní
  • 2018 - 20. maí
Einkennismerki Wikiorðabókar
Wikiorðabókin er með skilgreiningu á orðinu
Wikimedia Commons er með margmiðlunarefni sem tengist


Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.