Hreiður
Úr Wikipediu, frjálsa alfræðiritinu
Hreiður er bæli sem fuglar gera sér til að verpa eggjum í og unga þeim út. Hreiður geta verið mjög mismunandi, allt frá því að vera einungis dæld í sandi, fóðruð með örfáum stráum, að því að vera mjög flóknar samsetningar úr greinum, munnvatni og öðru. Á Íslensku er einnig talað um að mýs gera sér hreiður, sbr. músarhreiður.
[breyta] Nöfn hreiðra eftir fuglategundum
Hreiður sumra fuglategunda eiga sér sérstök heiti á íslensku. Hreiður hrafnsins nefnist t.d. laupur en sumstaðar einnig bálkur. Álftin verpir í svonefndan bunka og æðarfuglinn í æðarbás. Hreiður lundans, lundaholan, skiptist í tvennt, öðrum megin er hreiður hans, en hitt nefnist kamar.
Þegar fuglar hefja hreiðurgerð er talað um að þeir setjist upp, en æðarfuglinn, lundinn og jafnvel fleiri tegundir taka heima.
