Feneyjar

Úr Wikipediu, frjálsa alfræðiritinu
Stökkva á: flakk, leita
Ponte degli Scalzi (Brú hinna berfættu) yfir Canal Grande, 2005.

Feneyjar eru höfuðborg Venetó héraðsins á Norðaustur-Ítalíu, hvorttveggja þekkt fyrir iðnað sinn sem og ásókn ferðamanna í borgina. Borgin hefur stundum verið nefnd: Drottning Adríahafsins (la Regina dell'Adriatico) en einnig: la Serenissima, la Superba eða la Dominante dei Mari. Feneyjum stafar vaxandi hætta af flóðum (acqua alta), mengun og landsigi. Fólksflótti varð frá borginni vegna bágra lífskjara og árunum 1968-1976 fluttu yfir 100.000 manns úr borginni. Íbúar Feneyja núna eru um 271.663 manns (2004).

Borgin er hafnarborg og teygir sig yfir fjölda lítilla eyja í Feneyjalóninu sem er u.þ.b. 500 km² og liggur að Adríahafinu. Sunnan við Feneyjar eru óseyrar árinnar og norðan eru óseyrar árinnar Piave. Iðnaðarsvæðið Mestre á meginlandi Ítalíu tengist Feneyjum með vegfyllingu og höfn er við Marghera.

Feneyjar eru reistar á smáeyjum og á milli þeirra eru vatnsvegir sem nefndir eru síki á íslensku. Flestir ferðast milli borgarhluta með almenningsbátum, svonefndum vaporetto (ft. vaporetti), en Feneyjar eru þó hvað frægastar fyrir gondólana sem er róið um síkin og hafa löngum verið ímynd rómantíkur. Byggingar Feneyja og menning hafa einnig verið seglar á ferðamenn í áranna rás.

Um 180 síki með um 400 brúm skilja að eyjarnar í Feneyjum. Helsta umferðaræðin er S-laga síki sem nefnist Canal Grande og sem heimamenn nefna Canalazzo. Á bökkum þess eru um 200 lystihallir (palazzo), tíu kirkjur og yfir það liggur Rialto-brúin ásamt þremur öðrum brúm: Ponte degli Scalzi, Ponte dell'Accademia og hin nýja og umdeilda Ponte della Costituzione. Í hjarta Feneyja er Markúsartorg með Markúsarkirkju og skammt frá er Hertogahöllin.

Saga Feneyja[breyta]

Feneyjar voru stofnaðar á 5. öld e.Kr. og urðu fljótlega mikill verslunarstaður og mikil miðstöð menningar og lista. Feneyjar urðu sjálfstætt lýðveldi á 8. öld. Borgarríkið fékk einokun á verslun við Austurlönd en misstu hana eftir fund sjóleiðarinnar til Asíu 1498. Feneyska lýðveldið var ekki sameinað Ítalíu fyrr en undir lok 18. aldar.

Eitt og annað[breyta]

Tengt efni[breyta]

Einkennismerki Wikiorðabókar
Wikiorðabókin er með skilgreiningu á orðinu
Wikimedia Commons er með margmiðlunarefni sem tengist