Captain America: The First Avenger
| Captain America: The First Avenger Auglýsingaplakat myndarinnar |
|
|---|---|
| Starfsfólk | |
| Leikstjóri: | Joe Johnston |
| Handritshöf.: | Christopher Markus Stephen McFeely |
| Framleiðandi: | Kevin Feige |
| Leikarar | |
| Upplýsingar | |
| Frumsýning: |  22. júlí 2011 27. júlí 2011 |
| Lengd: | 124 mín. |
| Aldurstakmark: | Bönnuð innan 12 |
| Tungumál: | enska |
| Ráðstöfunarfé: | $140.000.000 (áætlað) |
| Framhald: | The Avengers |
| Síða á IMDb | |
Captain America: The First Avenger er bandarísk ofurhetjumynd frá árinu 2011 sem Joe Johnston leikstýrði og Christopher Markus og Stephen McFeely skrifuðu. Myndin er byggð á samnefndri myndasöguhetju frá Marvel. Chris Evans, Tommy Lee Jones, Hugo Weaving, Sebastian Stan og Dominic Cooper fara með aðalhlutverkin í myndinni sem segir frá Steve Rogers, veikburða manni frá Brooklyn sem er breytt í ofur-hermann að nafni Kafteinn Ameríka til þess að hjálpa bandamönnum í seinni heimstyrjöldinni.
[breyta] Söguþráður
Myndin hefst árið 1942 þegar seinni heimstyrjöldin geisar sem hæst. Hinn smávaxni og veiklulegi Steve Rogers hefur reynt hvorki meira né minna en fimm sinnum að komast í herinn til að berjast fyrir bandaríksu þjóðina en verið hafnað í hvert einasta sinn. Þegar öll sund virðast lokuð opnast nýjar dyr fyrir Steve: að bjóða sig fram í leynilegt hátækniverkefni á vegum hersins þar sem ekki er krafist sömu líkamlegu eiginleika. Það heitir Project: Rebirth, en þegar hann tekur þátt er honum breytt í vöðvastæltann ofurhermann og er fljótt kallaður Kafteinn Ameríka. Hann hefur fljótt uppi á besta vin sínum, Bucky Barnes, og mynda þeir illvígt teymi sem tekur að sér hættulegustu sérverkefnunum í stríðinu, þar á meðal að reyna að ráða niðurlögum Red Skull, yfirmann vopnaþróunar á vegum Adolfs Hitler, en Red Skull hefur sín eigin áform um framgang stríðsins í sína þágu, og spilar þar töfrum gæddur hlutur að nafni Tesseract stórt hlutverk.[1]
[breyta] Leikendur
Veikburða ungur maður sem er breytt í vöðvastæltann ofur-hermann með því að nota tilraunaefni til þess að hjálpa bandamönnum í seinni heimstyrjöldinni.[2] Eftir aðgerðina er hann fullkomlega breyttur og orðinn sterkari, hraðari og fimari heldur en nokkur annar í heiminum, en hann getur slasast. Evans hafði áður leikið ofurhetjunua Human Torch í Fantastic Four-myndunum og hafnaði hlutverkinu þrisvar sinnum áður en hann skrifaði undir sex mynda samning við Marvel. Evans útskýrði afhverju í viðtali: „Ég sagði við vin minn, ‚Ef myndin floppar verð ég í djúpum skít. Ef myndin verður vinsæl verð í í djúpum skít!‘ Ég var svo hræddur. Ég fattaði að ég var næstum því of mikil gunga til þess að leika Kaftein Ameríku“.[3] Hann sagði að persóna hans væri mjög góður gæji og hann hefði leikið hann í hvaða mynd sem er þótt hann væri ekki Kafteinn Ameríka.
[breyta] Heimildir
- ↑ http://kvikmyndir.is/KvikmyndirMovie/entry/movieid/5962
- ↑ Marc Graser (22. mars 2010), http://www.variety.com/article/VR1118016757, Variety
- ↑ Jeff Jensen (28. september 2010), http://popwatch.ew.com/2010/10/28/captain-america-chris-evans-2/
