Bjólfskviða
- Sjá aðgreiningarsíðuna fyrir yfirlit yfir aðrar merkingar „Bjólfskviða“
Bjólfskviða er engilsaxneskt eða fornenskt miðaldakvæði sem segir af hetjunni og stríðsmanninum Bjólfi og viðureign hans við risann Grendil, móður Grendils og síðar við dreka, þegar hann er orðinn konungur í Gautlandi. Bjólfskviða var skrifuð á Englandi en sögusviðið er Skandinavía á 8. eða 9. öld. Kviðan er söguljóð um atburði og hetjur fortíðar. Bjólfskviða er eitt af höfuðritum fornenskrar tungu, en höfundur er ókunnur.
Kvæðið er 3183 línur og hefur aðeins varðveist í einu handriti, sem talið er frá því um 1000.
Grímur Jónsson Thorkelín skrifaði fyrstur upp handritið um 1787, þegar hann vann að sagnfræðirannsóknum á Englandi fyrir dönsk stjórnvöld; hann gaf Bjólfskviðu svo út 1815. Grímur hafði tvö eftirrit með sér til Danmerkur, annað gerði hann sjálfur, en hitt eftirritið fékk hann starfsmann British Museum til að gera, líklega James Matthews. Upphaflega handritið er orðið ólæsilegra og er uppskrift Thorkelíns mikilvæg fyrir þá sem rannsaka Bjólfskviðu.
Halldóra B. Björnsson hefur þýtt Bjólfskviðu á íslensku, og kom kviðan út hjá Fjölva árið 1983. Í þýðingunni reynir Halldóra að fylgja bragarhætti fornenska textans, sem er náskyldur fornyrðislagi.
Kvikmyndin Bjólfskviða byggir á miðaldakvæðinu. Kvikmyndin var tekin upp á Íslandi árið 2006.
Heimild [breyta]
Fyrirmynd greinarinnar var „Beowulf“ á ensku útgáfu Wikipedia. Sótt 18. júlí 2008.
Tenglar [breyta]
- Íslensk þýðing Halldóru B. Björnsson á Bjólfskviðu (Fjölvi, 1983)
- Allt annar handleggur; grein í Lesbók Morgunblaðsins 1998
Erlendir tenglar [breyta]
- Samanburður á nokkrum enskum þýðingum
- Heimildasafn um rannsóknir á Bjólfskviðu - University of Nevada
- Heimildasafn um Bjólfskviðu og skyld efni
- Handrit Bjólfskviðu – Gögn sem hægt er að fá frá The British Library's Online Gallery
- Bjólfskviða Enskur texti og hljóðupptaka.
- Bjólfskviða – Enskur efnisútdráttur
- Bjólfskviða – Söguþráður kviðunnar (á ensku) – Literapedia
- Texti Beowulf í forn ensku
