Beinagrind mannsins

Skýringarmynd sem sýnir beinagrind konu með heitum helstu beina.

Beinagrind mannsins er hluti stoðkerfis mannslíkamans gegnir eftirfarandi hlutverkum:

• Hún heldur líkamanum uppréttum
• Hún styður við vefi og líffæri
• Hún verndar lífsnauðsynleg líffæri
• Bein hennar flytja til vöðvakrafta
• Rauði beinmergur beinanna framleiðir blóðfrumur
• Beinin eru forðabúr fyrir kalk- og fosfata.

Mannbeinagrindinni er gjarnan skipt í tvo flokka beina:

• Möndulhluta, sem er höfuðkúpa, hryggsúla, rifbein og bringubein
• Viðhengishluta, en honum tilheyra efri og neðri útlimir, axlagrindur og mjaðmagrind, að undanskildu spjaldbeininu.

Stutt yfirlit yfir þau bein sem eru á myndinni til hliðar:

Íslenskt heiti beins	Latnesk heiti beins	Stutt lýsing	Hlutverk
Viðbein	Clavicula	Frekar lítið bein, myndar S-línu	Tengir herðablað og bringubein og tekur þátt í myndun axlarliðs
Lærleggur	Femur	Stærsta bein líkamans, á því er væg sveigja
Dálkur	Fibula	Veitir vöðvafestu og er veigaminna beinið í fótleggnum
Upphandleggsbein	Humerus	Lengsta og stærsta bein í efri útlim
Geislabein	Radius	Staðsett þumalsmegin í framhandlegg. Bugða liggur eftir endilöngu beininu
Herðablað	Scapula	Flatt að hluta, þríhyrnt
Olnbogabein	Ulna	Miðlægt bein í framhandlegg
Hnéskel	Patella
Sköflungur	Tibia	Stórt bein í fótlegg
Bringubein	Os sternum		Það veitir hjartanu vernd og festir framenda rifjanna. Blóðmergur beinsins framleiðir mikið af rauðum blóðkornum