Ufa

Ufa (rússneska: Уфа́) er borg og höfuðborg Lýðveldisins Basjkortostan, sem er hluti Rússneska sambandsríkisins. Borgin er ein af stærstu borgum Rússlands. Hún er miðstöð stjórnmála, stjórnsýslu, efnahags menningar lýðvelsins.

Efnisyfirlit

1 Staðsetning
2 Saga og efnahagur
3 Íbúar
4 Fjarlægðir
5 Myndir
6 Sjá einnig
7 Ytri tenglar

Staðsetning[breyta]

Ufa er staðsett í austast í Evrópu undir Úralfjöllum við mörk Asíu. Hún liggur við mót ánna Belaya og Ufa, syðst undir láglendi vestanverðra Úralfjalla.

Mörður er tákn Ufa borgar en viðskipti með marðarskinn voru mikil á svæðinu fyrr á öldum

Saga og efnahagur[breyta]

Borgin var byggð að skipan Ívans Grimma árið 1574 sem virki til að vernda viðskipti leið yfir Úralfjöllin frá Kazan. Árið 1802 varð borgin höfuðstaður Bashkíríu (síðar Lýðveldið Basjkortostan).

Ufa stækkaði ört á 20. öld og með margvíslega iðnaðframleiðslu. Árið 1956 sameinaðist Ufa nágrannaborginni Chernikovsk, og varð þá miðstöð olíuframleiðslu á Volga- Úral svæðinu. Þar er einnig ýmis efnaiðnaður, timburframleiðsla og miðstöð öflugrar landbúnaðarframleiðslu lýðveldsins.

Ufa er miðstöð járnbrautar- og vegasamgangna á svæðinu. Í borginni eru mikilvæg menningarsetur með nokkrum öflugum háskólum, tæknistofnunum og fjölmörgum rannsóknastofnana.

Belaya ísilögð. Ufa borg er byggð á bökkum ánna Belaya og Ufa

Íbúar[breyta]

Áætlaður fjöldi borgarbúa er um 1.5 milljón, meirihluti þeirra eru rússar (54% rússar). Á síðari árum hefur fólki af öðru þjóðerni fjölgað einkum bashkírum og taturum. Önnur þjóðerni eru sjúvas, mari, úkraínumenn, mordvinia, azerar, armenar, hvít-rússar, kazakar, vietnamar, lettar, þjóðverjar og gyðingar.

Fjarlægðir[breyta]

Fjarlægð Ufa frá Moskvu er 1567 km. með lest og 1357 km. með bíl . Það tekur 32 klst. að aka frá frá Moskvu en 2 klst. að fljúga. Borgin er á tímabelti Yekaterinburg (YEKT/YEKST) eða á samræmdum alþjóðatíma UTC+5)

Myndir[breyta]

Á ánni Belaya eru margvíslegar ferjur og bátar.
Ufa borg nútímans.
Frá Lenín götu sem er ein megingata borgarinnar.
Í Basjkortostan eru olíulindir. Ríkið rekur sérstakan Olíutækiháskóla í Ufa sem þykir sterk akademísk stofnun í Rússlandi.
Basír leikhúsið sem tileinkað er basírskum leikverkum. Það er eitt sex leikhúsa borgarinnar.
1 корпус БГАУ.jpg

Baskírski landbúnaðarháskólinn. í Ufa eru 21 háskólastofnanir á vegum ríkisins og 6 einkareknar.
Ríkistrú Basjkortostan er múslimatrú. Hér er þekktasta moska Ufa kennd við Túlípana.
Úr Lenín garðinum. Ein margra Lenínstytta lýðveldisins.