Tröllahvönn
| Tröllahvönn | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Vísindaleg flokkun | ||||||||||||||
|
||||||||||||||
| Tvínefni | ||||||||||||||
| Heracleum mantegazzianum Sommier & Levier |
Tröllahvönn[1] eða tröllajurt[1] (fræðiheiti: Heracleum mantegazzianum)[1] er stórvaxin sveipjurt sem upprunnin er í Kákasus og Mið-Asíu. Jurtin getur orðið 2-5 m há og stundum allt að 7 m. Tröllahvönn líkist venjulegri hvönn nema er miklu stórvaxnari.
Tröllahvönn er fjölær og fjölgar sér með rótarskotum. Blómin eru hvít og eru blómsveipirnir allt að 80 sm í þvermál.
Tröllahvönn er talin til ágengra tegunda. Hún hefur verið flutt inn til Evrópu sem skrautplanta en breiðst út í náttúrunni og myndað þéttar breiður þar sem skilyrði eru góð. Tröllahvönn er algeng meðfram árbökkum í Bretlandi. Hún var kynnt í Frakklandi á 18. öld og var þá vel tekið af býræktendum.
Tröllhvönn myndar eiturefni þannig að safi af tröllahvönn getur valdið bruna á hörundi í sólarljósi eða í UV-geislum. Húðin verður rauð og klæjar undir. Börn ættu ekki að vera á svæðum þar sem tröllahvönn vex og nota ætti hlífðarfatnað (líka hlífðargleraugu) ef þarf að grafa upp eða flytja slíkar plöntur. Ef húð kemst í snertingu við safa tröllahvannar þá á að þvo húðsvæðið vel með sápu og vatni og forðast sólarljós í nokkra daga.
[breyta] Tilvísanir
- ↑ 1,0 1,1 1,2 Orðið „tröllahvönn“ á Orðabanka íslenskrar málstöðvar úr orðasafninu „Plöntuheiti“:íslenska: „tröllahvönn“, „tröllajurt“
[breyta] Tenglar
- Tröllahvönn] (Flóra Íslands)
- Risahvannir í íslenskri náttúru (Náttúrufræðistofnun)
- Identifying and removing Giant hogweed on NetRegs.gov.uk
- InvadingSpecies.com - advice from Ontario, Canada
- Contact-Poisonous Plants of the World
- Photos of Giant Hogweed
- Manual for eradication of Giant Hogweed - available for download as pdf
- Environment Agency of Finland: Photo of the blisters caused by the plant (Graphic)
