Sniðmengi

Venn-mynd af sniðmengi A og B (lesið „A snið B“)

Sniðmengi (einnig snið, skurðmengi eða skarmengi) er í mengjafræði mengi þeirra staka í tilteknum mengjum, sem eru sameiginleg öllum mengjunum. Sniðmengi mengjanna $A$ og $B$ er lesið „A snið B“ og táknað $A \cap B$. Formleg skilgreining er:

$i$ er stak í $A \cap B$ eff $i$ er stak í $A$ og $i$ er stak í $B$.

Sem dæmi er sniðmengi mengjanna $\left\{1, 2, 3\right\}$ og $\left\{2, 3, 4\right\}$ mengið $\left\{2, 3\right\}$

Ef sniðmengi tiltekinna mengja er tómt eru mengin sögð sundurlæg.