Skúli Gautason

Skúli Gautason (f. 25. október 1959) er íslenskur leikari, leikstjóri, tónlistarmaður og menningarstjóri.

Skúli fæddist í Reykjavík og ólst upp í bláu húsi í vesturbænum. Hann tók þátt í því að stofna Bifhjólasamtök lýðveldisins, Snigla árið 1984 og stofnaði Sniglabandið ári síðar. Hann útskrifaðist úr Leiklistarskóla Íslands árið 1986 og réðist strax til starfa við Leikfélag Akureyrar. Hann hefur leikstýrt fjölda leiksýninga hjá áhugaleikfélögum um land allt og tveim sýningum við Leikfélag Akureyrar. Skúli hefur starfað sem viðburðastjóri hjá Reykjavíkurborg og menningar- og atvinnumálafulltrúi hjá Hörgársveit. Hann starfrækir menningarhús í hlöðunni sinni að Litla-Garði. Skúli hefur samið tónlist við leiksýningar og kvikmyndir

Tónlist í kvikmyndum og leiksýningum

Ár	Leiksýning/kvikmynd	Leikfélag	Athugasemdir og verðlaun
1999	Töfratívolí	Regína
2000	Ég sé	Draumasmiðjan	fyrir heyrandi jafnt sem heyrnarlausa
2001	Tveir misjafnlega vitlausir	Leikfélag Akureyrar
2003	Búkolla	Leikfélag Akureyrar

Ferill í kvikmyndum og sjónvarpsþáttum

Ár	Kvikmynd/Þáttur	Hlutverk	Athugasemdir og verðlaun
1990	Ormur umrenningur	Kerlingin
1992	Sódóma Reykjavík	Grímur
1995	Nei er ekkert svar	Angatýr
2000	Lifandi!
2001	Áramótaskaupið 2001
2002	Gemsar
2001	Áramótaskaupið 2002
2003	Áramótaskaupið 2003
2011	Tími nornarinnar

Tengill

• Skúli Gautason á Internet Movie Database

  Þetta æviágrip sem tengist leikurum og Íslandi er stubbur. Þú getur hjálpað til með því að bæta við greinina.