Ruðningur

Úr Wikipediu, frjálsa alfræðiritinu
Stökkva á: flakk, leita
Rugby tackle cropped.jpg
Senegal rugby.jpg

Ruðningur eða rugby er hópíþrótt og nýtur mikilla vinsælda um allan heim. Rugby 7's er sú útgáfa leiksins sem er hluti af Olympíumótinu og er mest vaxandi hópíþrótt í heiminum í dag - bæði karla og kvenna.


Rugby er íþrótt fyrir alla sem er stolt af gildum sínum og helst trúr þeim. Grunn gildi íþróttarinnar eru:

HEILINDI - Heilindi er lykillinn að innihaldi leiksins og er myndaður með heiðarleika og sanngjörnum leik.

ÁSTRÍÐA - Rugby fólk hefur ástríðufullan áhuga fyrir leiknum. Rugby framkallar spennu, tilfinningatengsl og þá tilfinningu um að tilheyra alþjóðlegu Rugby fjölskyldunni.

SAMSTAÐA – Rugby er sameiningartákn sem leiðir af sér ævilöng vináttubönd, samstöðu, samvinnu og tryggð sem er hafin yfir menningarlegan, landfræðilegan stjórnmála og trúarbragðar mismun.

SJÁLFSAGI - Agi er hluti af leiknum, bæði innan sem utan vallar, endurspeglast með því að fara í öllum stigum eftir lögum, reglugerðum og grunngildum leiksins.

VIRÐING - Virðing fyrir liðsfélögum, andstæðingum, dómurum og þeim sem taka þátt í leiknum er fyrirrúmi.



RUGBY

Upphafið að rugby má rekja til þess að William Webb Ellis nýtti sér regluleysi í þeirri boltaíþrótt sem spiluð var í Englandi árið 1823. Í stað þess að grípa bolta sem kom á flugi og henda honum í jörðina og sparka eins og venja var hljóp hann með boltann yfir marklínuna og skoraði stig. Þetta gerðist í bænum Rugby þaðan sem íþróttin fær nafn sitt. Það varð úr að reglur voru skilgreindar og til urðu tvær íþróttir – fótbolti og rugby fótbolti sem þekkist betur sem rugby í dag.

Rugby er stunduð af báðum kynjum og öllum aldurshópum í meira en 100 löndum í fimm heimsálfum. Rugby er 4-5 stærsta hópíþrótt í heiminum með yfir fjórar milljónir skráðra leikmanna. Aðildarsambönd með fulla aðild að Alþjóðarugbysambandinu (IRB) eru 97 talsins. Í október 2009 samþykkti Alþjóðaólympíunefndin 7 manna rugby sem keppnisgrein á Ólympíuleikunum 2016, sem haldnir verða í Rio de Janeiro í Brasilíu. Þar munu 12 kvennalið og 12 karlalið etja kappi.

RUGBY Á ÍSLANDI

Upphafið af rugby á Íslandi má rekja til febrúar 2009 þegar nokkrir erlendir ríkisborgarar búsettir eru hér á landi furðuði sig á því að íþróttin sem allt snérist um í þeirra heimalandi var ekki iðkuð hér á landi. Ekki nóg með það að hún væri ekki iðkuð – almenningur vissi almennt ekki hvaða íþrótt þeir voru að taka um. Í stað þess að aðlagast að þessum aðstæðum töldu þeir að þeir gætu byggt upp rugby hér á landi og þannig gefið af sér til samfélagsins.

Smám saman söfnuðust áhugasamir á æfingar jafnt Íslendingar og erlendir ríkisborgarar. Eftir fyrsta hálfa árið var ljóst að ekki yrði aftur snúið, Ísland yrði næsta land til að tileinka sér rugby. Í febrúar 2011 var íþróttin tekin inn í ÍSÍ og í desember sama ár var samþykkt á aðalfundi Rugby sambands evróðu (FIRA-AER) að Ísland yrði aðili að sambandinu. Í dag eru tvö lið sem æfa rugby og er keppnistímabilið hér á landi það sama og á norðurlöndunum eða apríl - október. Alls eru um 50 – 60 menn og konur aðilar að rugby hér á landi með mismunandi þátttökustigi.

Rugby er íþrótt sem hentar öllum og í einu liði eru allar líkamgerðir sem vinna saman að sameiginlegu markmiði. Rugby fyllir einnig í tómarúm sem fyrir hendi er og hefur reynst vera íþrótt sem þeir sem finna sig ekki í öðrum valmöguleikum hér á landi verða mjög hlyntir. Sem vitnisburð hefur undirritaður prófað flestar aðrar íþróttir sem í boði voru á sínum tíma. Það var ekki fyrr en ég uppgötvaði rugby að ég áttaði mig á því að það var líka til íþrótt sem hentaði mér.

Rugby uppbygging stuðlar að jákvæðum vettvangi fyrir unga stráka og stelpur sem finna sig ekki í öðrum hópíþróttum. Í einu rugby liði er sem fyrr segir fjölbreittir hæfileikar sem mætast og þörf fyrir allar líkamstegundir í einu liði. Það sem aðgreinir rugby frá öðrum íþróttum að mati undirritaðs er sú virðing sem borin er fyrir mótherja og sérstaklega dómara í leik. Fullkomin virðing fyrir úrskurði dómara í leik er undirstaða þess að kenna virðingu fyrir reglum í samfélaginu.

--Kristinnths (spjall) 7. mars 2014 kl. 16:13 (UTC)


Tenglar[breyta]

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.