RAM

RAM er skamstöfun fyrir Random Access Memory. Það er tölvuminni sem alltaf tekur jafnlangan tíma að sækja eða skrifa gögn í, óháð því hvaða minnisvistfang gögn eru sótt eða skrifuð í. Oftast er átt við les- og skrifminni (e. read and write memory) þegar orðið RAM er notað. Einnig er algengt að orðið RAM sé notað um vinnsluminni en það er vegna þess að yfirleitt er vinnsluminnið eina minnið í tölvum sem er RAM. Strangt til tekið getur RAM líka verið lesminni (ROM) og ROM kubbar eru nær undantekningarlaust strangt tiltekið RAM (því það tekur alltaf jafnlangan tíma sækja gögn úr ROM kubbum, óháð vistfangi).

Dæmi um minni sem ekki er RAM eru segulbönd (mislangur tími fer í að spóla fram eða til baka, eftir því hvaða hluta minnisins maður vill), geisladiskar og seguldiskar.

RAM eins og við þekkjum þau í dag er oftast volatile sem þýðir að ef spennan er tekin af minninu (t.d. þegar slökkt er á tölvu) þá hverfa öll gögn af því. Til eru nokkrar gerðir af non-volatile RAM, en þau hafa ekki enn komið á almenningsmarkað og eru flest ennþá í þróun.