Marflær

Úr Wikipediu, frjálsa alfræðiritinu
Stökkva á: flakk, leita
Marflær
Hyperia macrocephala
Hyperia macrocephala
Vísindaleg flokkun
Ríki: Dýraríki (Animalia)
Fylking: Liðdýr (Arthropoda)
Undirfylking: Krabbadýr (Crustacea)
Flokkur: Stórkrabbar (Malacostraca)
Yfirættbálkur: Peracarida
Ættbálkur: Amphipoda
Latreille, 1816
Undirættbálkar

Marflær (fræðiheiti: Amphipoda) eru ættbálkur lítilla krabbadýra sem lifa aðallega í sjó. Amphipoda er ættbálkur liðdýra af undirflokki stórkrabba, þær lifa aðallega í sjó. Marflær hafa mjög þéttan líkama en enga skel. Þær eru oftast brúnleitar að lit og misstórar eða frá 1 til 340 millimetra að lengd. Heitið Ampipoda þýðir öðruvísi fætur á latínu þar sem að fætur marflóarinnar eru með mismunandi form.

Bygging[breyta]

Líkami marfló er skipt í 13 hluta, hægt er að flokka frá höfði, brjóst og að kvið. Höfuðið rennur saman við brjóstkassa og ber tvö pör af skynfærum og par af samsettum augum. Einnig hefur marflóin munn en hann er mestu leyti falinn. Brjóst og kviður er yfirleitt mjög áberandi en marflóinn hefur mismunandi fætur, sem eru oftast lárétt og þéttir að líkamanum þar sem engin skel er. Brjóstkassinn ber átta pör af af festum, fyrstu festarnar eru til hjálpar við munnopið og næstu 4 pör eru notuð til að beina marflónni áfram og síðustu 3 pörin eru til þess að beina henni aftur á bak. Á brjóstholi eru tálkn og þar er opið blóðrásarkerfi að hjartanu. Tálkn eru til staðar á brjóstholi og er súrefnið borið um líkamann með rauðkornavefjum. Upptaka seltu er stýrð af sérstökum kirtlum á skynfærum þeirra. Kviðnum er skipt í tvö hluta: þar sem sundfætur eru og svo er þar sem halinn er.

Stærð[breyta]

Stærð marfló er yfirleitt minna en 10 mm að lengd. Lengsta lifandi marflóin sem hefur verið skráð voru 280 mm og fannst hún mynduð á 5300 m dýpi í Kyrrahafi. Sýni frá Atlandshafi sem var 340 mm að lengd hefur verið skráð frá sömu tegund Alicella gigantea. Minnsta marfló sem er vitað um er minni en 1 mm að lengd. Stærðin takmarkast af skorti af uppleystu súrefni og fer því stærð eftir hvaða hæð marflóin lifir í.

Marflær eiga til að leggjast á hræ en lifa þó flestar á leifum plantna og dýra. Þær eru mikilvægur hluti vistkerfisins í bæði sjó og ferskvatni. Í ferskvatni og sjó hjálpa þær til að brjóta niður rotnandi plöntur og dýr. Einnig eru þær mikilvæg fæða nytjafisk eins og þorsk og ýsu. (Hafrannsóknarstofnun, e.d).

Heimkynni[breyta]

Marfló var fyrst skráð þegar hún fannst Kaliforníu árið 1918. Flestar marflær búa í fjörum undir steinum eða í sjávarþangi. Marflóinn finnst á öllum hafsvæðum frá grunnævi og jafnvel dýpstu hafsvæðum, einnig má finna þau í ferskvatni og þurrlendi.

Flokkun[breyta]

Marfló er mjög dreifður ættbálkur. Hann innheldur 9.598 tegundir sem eru flokkaðar í aðra undirflokka.

Árið 2013 þróuðu Lowry og Myer nýja flokkun, áður var ættbálkurinn flokkaður niður í Gammaridea, Caprelloidea, Hyperiidea og Ingolfiellidea. Nú er talið að Senticaudata sé sér undirflokkur en áður fyrr var hann talinn undir flokknum Gammaidea. Caprelloidea sem áður var talinn undirflokkur er nú flokkaður undir Senticaudata.


Nú eru flokkarnir: Gammaridea (um 4.000. tegundir, flestar ferskvatns og land tegundir). Senticaudata ( um 5.000 tegundir) Hyperiidea (um 300 tegundir) Ingolfiellidea (um 40 tegundir)

Senticaudata var talinn vera undir Gammaidea en árið 2013 þróuðu Lowry og Myer nýjan undirflokk sem er talinn stærsti flokkurinn (Horton, T.; Lowry, J. & De Broyer, C, 2013)

Heimildir[breyta]


  Þessi líffræðigrein er stubbur. Þú getur hjálpað til með því að bæta við greinina.