Herdís Þorgeirsdóttir
Herdís Kjerulf Þorgeirsdóttir (f. 18. febrúar 1954) er íslenskur lögmaður. Hún bauð sig fram til embættis forseta Íslands árið 2012. Herdís lauk doktorsprófi í lögum frá lagadeild Lundarháskóla 2003. Hún er einnig stjórnmálafræðingur með framhaldsmenntun í alþjóðalögum og stjórnmálum frá Fletcher School of Law and Diplomacy í Boston. Herdís var forseti Evrópusamtaka kvenlögfræðinga (2009-2013); í stjórn Evrópsku lagaakademíunnar (ERA) í Trier 2012-2016 og fyrsti prófessorinn við lagadeild Háskólans á Bifröst. Herdís hefur frá 2003 starfað í teymi lögfræðinga á sviði vinnuréttar og jafnréttis á grundvelli EES samningsins og Esb.réttar. Hún hlaut réttindi til að starfa sem héraðsdómslögmaður 2011 og rekur lögmannsþjónustu og ráðgjöf í Reykjavík.
