Harður diskur
Úr Wikipediu, frjálsa alfræðiritinu
Harður diskur er geymslumiðill sem er mikið notaður í tölvum. Hann samanstendur af einni eða fleiri hörðum málmskífum sem húðaðar hafa verið með efni sem breytist þegar þegar það lendir í sterku segulsviði. Gögn eru skrifuð á harða diskinn með því að mynda sterkt segulsvið við yfirborð skífunnar, og síðan lesin aftur af honum með því að mæla segulmögnun skífunnar. Til að vernda viðkvæmt yfirborð skífunnar er hún sett í harðar umbúðir, yfirleitt úr málmi. Disklingar eru svipaðir hörðum diskum, en skífan er gerð úr mýkra efni og hlífðarskelin mun viðaminni.
