Happy Tree Friends

Úr Wikipediu, frjálsa alfræðiritinu
Stökkva á: flakk, leita

Happy Tree Friends er stuttir teiknimyndasöguþættir á Flash-formi sem gerðir voru af Kenn Navarro, Aubrey Ankrum og Rhode Montijo. Teiknimyndirnar byggjast á svartri kímni og ofbeldi og í hverri mynd deyr ein eða fleiri sögupersóna á hrottafenginn hátt. Það er næstum ekkert tal í sögunum, sögupersónur tjá sig með umli og hljóðum. Sjónvarpsútgáfa af þáttunum kom út árið 2002. Sögusvið þáttanna er oft í skógum Norður-Ameríku. Aðalpersónurnar Cro-Marmot, Cub, Cuddles, Disco Bear, Flaky, Flippy, Giggles, Handy, Lifty, Lumpy, Mime, Mole, Nutty, Petunia, Pop, Russell, Shifty, Sniffles, Splendid og Toothy eru allar frá Bandaríkjunum og Buddhist Monkey er frá Kína. Allar sögupersónur eru teiknaðar á einfaldan og fallegan hátt eins og myndir fyrir smábörn. Margar þeirra hafa íkornaskögultennur þegar þær brosa og allar nema Lumpy og Sniffles hafa sams konar ljósrautt hjartalaga nef. Augu margra persónanna eru eins og augu voru teiknuð í gömlum teiknimyndum. Í byrjun hverrar sögu eru sögupersónur í hversdagslegum aðstæðum sem svo breytast í ofbeldi sem oftast stafar af óheppni, slysum eða verkfærum. Hver þáttur byrjar með kynningu þar sem eitthvað er skrifað eins og í barnabók og svo fylgir með eitthvert heilræði sem er andstæða við það ofbeldi sem síðar kemur fram í þættinum. Hver þáttur er vanalega innan við þrjár mínútur.

Tenglar[breyta]

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.