HTML5

HTML5 (HyperText Markup Language)
Skráarending:	HTML: .htm, .html XHTML: .xhtml, .xht, .xml
MIME-gerð:	HTML: text/html XHTML: application/xhtml+xml, application/xml
Kóðategund:	TEXT
UTI:	public.html
Hönnun:	W3C
Tegund forsniðs:	Ívafsmál
Útfærsla á:	HTML, XML
Staðall:	WHATWG Editor's draft W3C Editor's draft

HTML5 er ívafsmál fyrir vefsíður sem er í þróun hjá W3C sem næsta útgáfa HTML. Ætlunin er að HTML5 taki við af HTML4.1, XHTML 1.0 og DOM Level 2 HTML. Hugmyndin er að það minnki þörfina fyrir íforrit sem nú eru notuð til að skila ákveðinni tegund af margmiðlun, eins og Adobe Flash, Microsoft Silverlight og Sun JavaFX. Þannig víkkar staðallinn út notkunarmöguleika skjalalíkansins og skriftumála og bætir við nýjum forritunarviðmótum á borð við skilgreint svæði fyrir tvívíða teikningu (<canvas>), afspilun kvikmynda og hljóðs (<video>, <audio>) og margt fleira.

Ætlunin var að HTML5 yrði að W3C-tilmælum síðla árs 2010 en mikill dráttur hefur orðið á vinnslu þess. Stuðningur vafra við HTML5 hefur lengst af verið takmarkaður en það breyttist þegar aðgerðasafnið WebKit, sem meðal annars er notað í vafranum Safari, útfærði meiri stuðning en áður hafði þekkst árið 2007. Í kjölfarið ákvað Apple Inc. að sleppa stuðningi við Adobe Flash í bæði iPhone og iPad. Þetta hefur skapað aukinn þrýsting á að útfæra margmiðlun á vefsíðum með HTML5 í stað Flash.

Helstu breytingar miðað við HTML 4.1/XHTML 1.x

Nýjar sveigjanlegri þáttunarreglur (ekki byggðar á SGML) Hægt að nota SVG- og MathML-tög í HTML-skjalinu sjálfu Ný HTML-tög: article, aside, audio, bdo, canvas, command, datalist, details, embed, figcaption, figure, footer, header, hgroup, keygen, mark, meter, nav, output, progress, rp, rt, ruby, section, source, summary, time, video, wbr

Nýjar tegundir gagnafærslna fyrir eyðublöð: dates and times, email, url, search, number, range, tel, color Ný eigindi: charset (í meta), async (í script) Altæk eigindi: id, tabindex, hidden, data-* (sérsniðin gagnaeigindi) Stuðningi við úrelt tög hætt: acronym, applet, basefont, big, center, dir, font, frame, frameset, isindex, noframes, strike, tt

  Þessi tæknigrein er stubbur. Þú getur hjálpað til með því að bæta við greinina.