Grímsfjall
Grímsfjall er fjall í vestanverðum Vatnajökli innan Vatnajökulsþjóðgarðs. Fjallið er í raun sunnanverður barmur öskju eldstöðvarinnar Grímsvötn. Á fjallinu eru tindarnir Eystri og Vestari Svíahnúkur. Er sá eystri hærri (1722 m.). Hæst nær fjallið 1725 metrum.
Jöklarannsóknafélag Íslands rekur þrjá skála á fjallinu. [1]. Fyrsti skálinn var byggður árið 1957, annar árið 1987 og loks lítið hús með eldsneyti og kamar árið 1994. [2] Skálarnir eru bækistöð rannsóknaleiðangra og ferðamanna. Eru þar einnig mælitæki til að mæla jarðskjálfta og eldvirkni. [3]
Ekki er vitað hvaðan nafnið á fjallinu kemur. [4]
Tilvísanir[breyta | breyta frumkóða]
- ↑ Grímsfjall Geymt 6 apríl 2017 í Wayback MachineJöklarannsóknafélag Íslands. Skoðað 22. maí, 2018
- ↑ Grímsfjall. Geymt 18 október 2014 í Wayback Machine Nat.is, skoðað 22. maí, 2018.
- ↑ Grímsvötn. Geymt 25 september 2019 í Wayback Machine Vatnajökulsþjóðgarður. Skoðað 22. maí, 2018.
- ↑ Hvaðan kemur heitið á Grímsvötnum og Grímsfjalli? Vísindavefur. Skoðað 22. maí 2018.