Hrægammur

Úr Wikipediu, frjálsa alfræðiritinu
(Endurbeint frá Gammur)
„Gammur“ vísar hingað. Fyrir olíuleitarsvæðið fyrir norðan Ísland, sjá Gammur (svæði).
Hrægammur á trjágrein

Hrægammar eru ránfuglar og hræætur, með fremur langan háls og meinlegan svip. Aðalfæða þeirra eru hræ dauðra dýra.

Hrægammar greinast í tvær megingreinar: hrægamma nýja heimsins og hrægamma gamla heimsins. Þessar tvær greinar sem svipar saman í útliti og atferli eru þó ekki náskyldar. Gammar gamla heimsins eru af haukaætt (Accipitridae), en í henni eru einnig ernir, gleður, vákar og haukar, en meðal gamma nýja heimsins eru t.d. kondórar og ætt þeirra kallast hrævaætt (Cathartidae). Tvær tegundir hrægamma gamla heimsins eru svo í sérstakri undirætt, sem ekki er skyldari öðrum gömmum en ránfuglum sem ekki teljast hrægammar og má því tala um þrjár greinar.

Hrægamma er að finna í öllum heimsálfum utan Suðurheimskautslandsins og Ástralíu. Alls eru til 23 tegundir af hrægömmum, 16 í gamla heiminum en 7 í þeim nýja.

Hrægammar finnast almennt séð ekki á Íslandi nema sem sárasjaldgæfir flækingar. Þannig er hrægammur skráður hafa sést á Gróttu 2010 og þótti fréttaefni og hafði þá ekki sést einn slíkur á landinu í meira en öld.[1]


  Þessi líffræðigrein er stubbur. Þú getur hjálpað til með því að bæta við greinina.

Tilvísanir[breyta | breyta frumkóða]

  1. https://www.ruv.is/frettir/innlent/hraegammur-fannst-vid-grottu