Falun Gong

Úr Wikipediu, frjálsa alfræðiritinu

Stökkva á: flakk, leita

Merki Falun Gong.

Hópur fólks að iðka Falun Gong.

Mótmælaaðgerðir Falun Gong árið 2004 í New York.

Falun Gong eða Falun Dafa (法輪大法, Fǎlún Dàfǎ) er andleg hreyfing sem byggir á kerfi til hugleiðslu og líkamsræktar sem kynnt var opinberlega af Li Hongzhi árið 1992. Hann bjó til Falun Dafa-kerfi sem í eru fimm íhugunaræfingar sem kallast Falun Gong.

Kenningar Falun Gong eru runnar upp úr búddisma, taóisma, siðakenningum Konfúsíusar og nýaldarhreyfingum. Fylgjendur Falun Gong gera sérstakar líkams- og öndunaræfingar.

Falun Gong hefur verið í sviðsljósinu frá 20. júlí árið 1999 en þá bannaði kínverski kommúnistaflokkurinn hreyfinguna. Ekki er þekkt hve margir fylgjendur Falun Gong eru. Falun Gong hreyfingin telur að það séu 100 milljónir fylgjenda. Fyrstu árin sem Li Hongzhi kynnti Falun Gong var það með velþóknan kínverskra yfirvalda og var talið að iðkunin væri heilsusamleg. Li hefur frá árinu 1995 kennt utan Kína.

Velgengni Falun Gong í Kína áður en hreyfingin var bönnuð má m.a. rekja til fullyrðingar um að iðkunin gæti grætt og læknað án dýrra meðala.