Fáni Sádi-Arabíu

Úr Wikipediu, frjálsa alfræðiritinu
(Endurbeint frá Fáni Sádí-Arabíu)
Fáni Sádí-Arabíu.

Fáni Sádí-Arabíu er grænn með íslamskri trúarjátningu í hvítum stöfum yfir hvítu sverði. Græni liturinn er sagður hafa verið uppáhaldslitur Múhammeðs spámanns. Fáninn er óbreyttur frá 15. mars 1973. Hlutföll hans eru 2:3.

Fáninn rekur upphaf sitt til græna fána wahabítanna með Shahadah-trúarjátningunni. Þekkist sá fáni frá lokum 19. aldar. Eldri útgáfur gátu jafnframt haft hvíta línu við stangarhliðina.

Sverðinu var bætt við fánann árið 1902, þegar Ibn Sád varð konungur yfir Nejd og stendur sem tákn fyrir mikilfengleika hans og sigra. Fánanum var aftur breytt þegar konungríkið Sádí-Arabía var stofnað 1932.

Þar sem trúarjátningin er heilög má ekki nota fánann á neinn máta sem þykir ósæmilegur, svo sem á boli eða annað þess háttar. Þegar FIFA ráðgerði að búa til fótbolta með fána allra landanna í heimsmeistaramótinu í fótbolta 2002 stóðu Sádar upp og mótmæltu sáran. Af sömu ástæðu er fánanum ekki flaggað til hálfs við hörmungar.

Eldri fánar[breyta | breyta frumkóða]