Dyrhólaey
Dyrhólaey er móbergsstapi í Mýrdal á suðurströnd Íslands. Þessi syðsti oddi landsins dregur nafn sitt af því að gat hefur myndast á þessum u.þ.b. 120 m háa skaga sem sjórinn flæðir í gegnum. Klettatanginn sem skagar fram úr eynni og gatið er í gegnum nefnist Tóin. Dyrhólaey er einnig nefnd Portland af sjómönnum. Í eynni er mikil lundabyggð. Dyrhólaey var friðlýst árið 1978.
Undan Dyrhólaey eru allnokkrir drangar úti í sjónum. Þekktastur þeirra er Háidrangur, sem er þverhníptur og 56 metrar á hæð. Hann kleif Eldeyjar-Hjalti Jónsson fyrstur manna árið 1893 að beiðni bænda í Mýrdal og rak þá nagla í bergið og setti keðjur á nokkrum stöðum, svo að eftir það var hægt að nýta dranginn til fuglatekju. Aðrir drangar eru Lundadrangur, Mávadrangur, Kambur og Kvistdrangur.
Árið 1910 var byggður viti á eynni, hann var endurbyggður 1927. Upphaflega hafði vitavörðurinn fasta búsetu á staðnum. Dyrhólaey og drangarnir í nágrenni hennar er mikil paradís fuglaskoðara. Hótel Dyrhólaey er skammt frá Vík í Mýrdal.
[breyta] Tenglar
|
|
|---|
| Ástjörn • Bakkatjörn • Blautós • Búðahraun • Dyrhólaey • Eldey • Esjufjöll • Flatey á Breiðafirði • Friðland að fjallabaki • Geitland • Grótta • Grunnafjörður í Borgarfjarðarsýslu • Guðlaugstungur • Gullfoss • Herdísarvík • Herðubreiðarfriðland • Hornstrandir • Hrísey • Hólmanes • Húsafellsskógur í Borgarfirði • Kasthúsatjörn og aðliggjandi fjara, Álftanesi • Kverkfjöll og Hvannalindir Ingólfshöfði • Kringilsárrani • Lónsöræfi í Stafafellsfjöllum • Melrakkaey • Miklavatn í Skagafirði • Oddaflóð • Pollengi og Tunguey • Salthöfði og Salthöfðamýrar • Skrúður • Ströndin við Stapa og Hellna við utanvert Snæfellsnes • Surtsey í Vestmannaeyjum • Friðland í Svarfaðardal • Varmárósar norðan Mosfellsbæjar • Vatnsfjörður • Vestmannsvatn á mörkum Aðaldals og Reykjadals • Þjórsárver |
Þessi Íslandsgrein sem tengist landafræði er stubbur. Þú getur hjálpað til með því að bæta við greinina.
