Draugur

Úr Wikipediu, frjálsa alfræðiritinu
Stökkva á: flakk, leita

Draugur (vofa eða afturganga) er yfirskilvitleg vera í þjóðtrú og goðsögnum. Á Norðurlöndum átti draugur upprunarlega við uppvakning sem risið hafði úr gröf sinni, oftar en ekki vakinn upp með fjölkynngi til að sinna illviljuðum erindagjörðum sem galdramaðurinn fól honum í té. Það var almennt álitið að draugar gætu einnig risið upp úr grafarhaug sínum af sjálfsdáðum og oft voru sérstakar galdrarúnir ristar í steina við grafir stríðsmanna til að koma í veg fyrir að þeir gengju aftur, líkt og rúnasteinnin í Kalleby í Svíþjóð gefur til kynna.

Ýmsar gerðir drauga[breyta]

  • Dagdraugur - er draugur sem er á ferð um daga sem nætur. Dæmi um slíkan draug var t.d.Höfðabrekku-Jórunn.
  • fédraugur - er draugur sem gengur aftur til eigna sinna (einkum til að leika sér að peningum sínum).
  • gangári - er flækingsdraugur, afturganga sem flakkar um.
  • sjódraugur eða sædraugur - er draugur sem hefst við í sjó.
  • staðardraugur - er draugur sem fylgir ákveðnum stað.
  • ærsladraugur - er húsdraugur sem gerir skarkala, hreyfir hluti úr stað og veldur ýmsum óútskýranlegum atvikum innanhúss.
  • fjárhúsdraugar - eru draugar eftir fjármenn sem farist hafa voveiflega í eða við fjárhús.
  • útburður - er barn sem borið var út hráblautt og óskírt eða náði af öðrum ástæðum ekki skírn fyrir dauða sinn, sbr.: Móðir mín í kví kví.

Tenglar[breyta]

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.