Carrie Underwood

Carrie Underwood
Underwood á forsýningu American Idol Experience
Fædd(ur)	Carrie Marie Underwood 10. mars 1983 (1983-03-10) Muskogee, Oklahoma
Þekktur fyrir	Söngkona, lagahöfundur
Starf/staða	Söngkona, lagahöfundur, leikkona

Carrie Marie Underwood (fædd 10. mars 1983) er bandarísk kántrí-söngkona, lagahöfundur og leikkona sem varð fræg eftir að hafa unnið fjórðu þáttaröð American Idol árið 2005. Síðan þá hefur Underwood átt mikill velgengni að fagna sem söngkona og hefur til að mynda unnið nokkur Grammy- og Billboard-tónlistarverðlaun og Bandarísku tónlistarverðlaunin og verið tilnefnd til Golden Globe-verðlaunanna. Hún hefur einnig þrisvar sinnum unnið Academy of Country Music (ACM)- og Country Music Association Female Vocalist-verðlaun og hefur tvisvar sinnum unnið verðlaun ACM sem skemmtikraftur ársins. Hún er fyrsta söngkona sögunnar til að vinna ACM-verðlaun tvö ár í röð sem skemmtikraftur ársins (2009/10). Underwood var gerð að meðlimi í Grand Ole Opry árið 2008. Hún var einnig tekin inn í tónlistarfrægðarhöllina í Oklahoma árið 2009. Árið 2012 útnefndi Billboard Underwood sem ríkjandi drottningu kántrítónlistarinnar.

Fyrsta plata hennar, Some Hearts, fór sjö sinnum í platínumsölu og, síðan í febrúar 2006, er hún mest selda fyrsta kántríplata í sögu Nielsen SoundScan. Platan er einnig söluhæsta fyrsta plata kántrísöngkonu, og síðan í mars 2011, mest selda kántríplatan síðasta áratuginn. Some Heart kom þremur smáskífum á topp Billboard-kántrílistans og ein þeirra náði toppi Billboard Hot 100-listans. Önnur plata hennar, Carnival Ride kom út þann 23. október 2007. Hún hefur selst í yfir þremur milljónum eintaka og hefur þrisvar sinnum farið í platínumsölu en hún hefur einnig gefið af sér nokkrar smáskífur sem hafa náð toppi bandaríska kántrílistans. Underwood gaf út þriðju plötu sína, Play On þann 3. nóvember 2009. Hún hefur farið tvisvar sinnum í platínumsölu og hefur gefið af sér þrjár smáskífur á topp bandaríska kántrílistans. Í mars 2012 hafði Underwood selt yfir 22 milljónir smáskífa og 14 milljónir platna um allan heim. Í maí 2011 var Underwood tekjuhæsti sigurvegari American Idol. Nýjasta plata Underwood, kemur út þann 1. maí 2012.

Eftir að hafa komið ellefu lögum á topp bandaríska kántrílistans, komst Underwood í Heimsmetabók Guinnes árið 2012 sem sú kántrísöngkona sem hefur átt flest lög á toppi listans síðan 1991, ásamt Rebu McEntire. Underwood er einnig eini sóló-kántrílistamaðurinnn til að eiga lag á toppi bandaríska listans síðasta áratuginn eftir að lagið „Inside Your Heaven“ náði toppnum í júlí 2005. Plata hennar, Some Hearts, var útnefnd besta kántríplata síðasta áratugar af Billboard og hún er eina söngkonan á topp 10 á lista yfir bestu kántrí-tónlistarmenn síðasta áratugar, en hún var í 10. sæti. Hún lenti einnig í 50. sæti á lista Billboard yfir Tónlistarmenn áratugarins. Í júní 2011 setti tímaritið Rolling Stone Underwood í 11. sæti á lista yfir „drottningar poppsins“ en listinn byggðist á gagnrýni frá 2009 – 2011. Í júlí 2011 sagði Forbes-tímaritið frá því að Underwood hefði þénað yfir 20 milljónir bandaríkjadala á tímabilinu maí 2010 – maí 2011.

Æska

Carrie Underwood fæddist Stephen og Carole Underwood þann 10. mars 1983 í Muskogee, Oklahoma. Hún ólst upp á búgarði foreldra sinna í útnára bæjarins Cectoah, Oklahoma. Faðir hennar vann í sögunarmyllu á meðan móðir hennar kenndi í grunnskóla. Hún á tvær eldri systur, Shönnu og Stephnie. Þegar hún var lítil tók Underwood þátt í Robbins Memorial hæfileikakeppninni og söng í kirkju bæjarins. Hún söng seinna á viðburðum í Chectoah, þ.á m. fyrir Old Settler's daginn og Lions-klúbbinn.

Aðdáandi hennar kom því í kring að hún færi til Nashville þegar hún var 14 ára í áheyrnaprufu hjá Capitol Records. Árið 1996 var Capitol Records að undirbúa samning fyrir Underwood, en hann var dreginn til baka þegar skipt var um stjórn fyrirtækisins. Underwood sagði um viðburðinn: "Ég trúi innilega að það sé betra að ekkert hafi komið út úr þessu, því ég hefði ekki verið tilbúin þá." Á meðan hún gekk í Cectoah-menntaskólann var hún í heiðursfélaginu, spilaði körfubolta og var klappstýra. Underwood útskrifaðist úr skólanum árið 2001 sem semidúx. Hún ákvað að reyna ekki fyrir sér í söng eftir útskriftina. Hún sagði: "Eftir menntaskóla gaf ég eiginlega drauminn um söngferil upp á bátinn. Ég var komin að þeim tímapunkti í lífi mínu þar sem ég þurfti að vera hagsýn og undirbúa framtíðina í "raunverulega heiminum"". Hún gekk í Northeastern State háskólann í Tahlequah, Oklahoma, og útskrifaðist sem magna cum laude árið 2006 með B.A. gráðu í fjölsamskiptum með áherslu á blaðamennsku. Hún vann einnig á pizzastað, í dýragarði og á dýralæknastofu. Underwood var einnig í Alpha Iota hluta systrafélagsins Sigma Sigma Sigma. Í tvö sumur tók hún þátt í miðbæjar kántrísýningu Northeastern State háskólans í Tahlequah. Hún keppti einnig í fjölmörgum fegurðarsamkeppnum í háskólanum og lenti í 2. sæti í Ungfrú NSU árið 2004.

American Idol

Aðalgrein: American Idol (4. þáttaröð)

Sumarið 2004 fór Underwood í áheyrnaprufu fyrir American Idol í St. Louis, Missouri. Eftir að hafa sungið "Coul've Been" með Tiffany í 12 stúlkna úrslitum sagði Simon Cowell að hún væri ein af uppáhaldskeppendunum hans. Í 11 manna úrslitum þann 22. mars 2005 söng Underwood útáfu af rokklaginu "Alone" sem Heart gerðu frægt á 9. áratugnum, og Cowell spáði því að Underwood myndi ekki aðeins vinna keppnina heldur myndi einnig selja mun fleiri plötur en aðrir Idol sigurvegarar. Einn framleiðandi þáttanna sagði síðar að hún hefði borið höfuð og herðar yfir aðra keppendur í símakosningunni, þar sem hún var efst í hverri viku. Hún eignaðist aðdáendahópinn "Kærleiksbirnir Carrie" (e. Carrie's Care Bears) á meðan keppninni stóð. Í úrslitaþættinum söng hún með Rascal Flatts lagið "Bless the Broken Road". Þann 5. maí 2005 vann Underwood American Idol. Sigurlaun hennar voru m.a. plötusamningur, afnot af einkaþotu í heilt ár og Ford Mustang blæjubíll.

Framkomur og niðustöður

Vika	Þema	Lag	Upphaflegur flytjandi	Niðurstaða
Áheyrnaprufur	Val keppenda	„I Can't Make You Love Me“	Bonnie Raitt	Áfram
Hollywood	Val keppenda	„Young Hearts Run Free“	Candi Staton	Áfram
Topp 75	Val keppenda	„Independence Day“	Martina McBride	Áfram
Undanúrslit 1	Val keppenda	„Could've Been“	Tiffany	Örugg
Undanúrslit 2	Val keppenda	„Piece of My Heart“	Erma Franklin	Örugg
Undanúrslit 3	Val keppenda	„Because You Love Me“	Jo Dee Messina	Örugg
Topp 12	Lög frá 7. áratugnum	„When Will I Be Loved“	The Everly Brothers	Örugg
Topp 11	Lög á toppi bandaríska listans	"Alone"	i-TEN	Örugg
Topp 10	10. áratugurinn	„Independence Day“	Martinea McBride	Örugg
Topp 9	Klassískt Broadway	„Hello, Young Lovers“	Leikarar The King and I	Örugg
Topp 8	Fæðingarárið	„Love Is a Battlefield“	Pat Benatar	Örugg
Topp 7	Danstónlist 8. áratugarins	„MacArthur Park“	Richard Harris	Örugg
Topp 6	21. öldin	„When God-Fearin' Women Get the Blues“	Martina McBride	Örugg
Topp 5	Lieber & Stoller Núverandi topplisti	„Trouble“ „Bless the Broken Road“	Elvis Presley Nitty Gritti Dirt Band	Örugg
Topp 4	Kántrí Gamle & Huff	„Sin Wagon“ „If You Don't Know Me By Now“	Dixie Chicks Harold Melvin & the Blue Notes	Örugg
Topp 3	Val Davis' Val keppenda Val dómara (Randy Jackson)	„Crying“ „Making Love Out of Nothing at All“ „Man! I Feel Like a Woman!“	Roy Orbison Air Supply Shania Twain	Örugg
Topp 2	Idol smáskífa Val keppenda Val framleiðenda	„Inside Your Heaven“ „Independence Day“ „Angels Brought Me Here“	Carrie Underwood/Bo Bice Martina McBride Guy Sebastian	Sigurvegari

Ferill

2005 – 2007: Some Hearts

Fyrsta plata Underwood, Some Hearts kom út í nóvember 2005 og komst á bandaríska listann með 315.000 eintök seld og fór strax í fyrsta sæti kántrílistans og í annað sæti Hot 200 listans. Salan í fyrstu viku Some Hearts er mesta sala á fyrstu plötu kántrílistamans síðan SoundScan var stofnað árið 1991. Platan var mest selda platan í Bandaríkjunum árið 2006 og mest selda kántríplatan í Bandaríkjunum árin 2006 og 2007. Some Hearts hefur síðan þá farið sjö sinnum í platínumsölu og hefur selst hraðast af fyrstu kántríplötum tónlistarmanns í sögu SoundScan, best selda sólóplata söngkonu í sögu kántrítónlistar, og best selda plata American Idol sigurvegar í Bandaríkjunum. „Inside Your Heaven“, fyrsta smáskífa Underwood, kom út í júní og fór strax í efsta sæti bandaríska listans og kanadíska smáskífulistans. „Inside Your Heaven“ er eina smáskífa kántrísöngkonu sem komst í fyrsta sæti bandaríska Hot 100 listans síðasta áratuginn. Hún seldist í meira en milljónum eintaka og fór í gullsölu og tvisvar sinnum í platínumsölu. Önnur smáskífa plötunnar, „Jesus, Take the Wheel“ fór í útvarpsspilun í október og náði seinna fyrsta sæti bandaríska kántrílistans og sat á toppnum í sex samfelldar vikur og eyddi tuttugu vikum á bandaríska listanum. Lagið seldist í yfir 1,8 milljónum eintaka og fór í platínumsölu. Þriðja smáskífan, „Some Hearts“, kom einnig út í október en var aðeins spilað á nokkrum útvarpsstöðvum. „Don't Forget to Remember Me“, fjórða smáskífa hennar, gekk einnig mjög vel og náði öðru sæti á bandaríska kántrílistanum. Seinna sama haust kom út þriðja kántrí-smáskífa Underwood, „Before He Cheats“, náði efsta sæti bandaríska kántrílistans og sat þar í fimm samfelldar vikur. Lagið náði hæst 8. sæti í bandaríska listnaum og náði þeim áfanga að vera sú smáskífa sem fór hægast upp í topp 10 hluta listans en hljómsveitin Creed átti fyrra metið frá júlí árið 2000. Lagið seldist í yfir þremur milljónum eintaka og fór þrisvar sinnum í platínumsölu. Þann 11. apríl 2007 gaf Underwood út smáskífuna „Wasted“ sem náði efsta sæti á Hot Country Songs listanum og seldist í tæplega einni milljón eintaka og fór í gullsölu. Í ágúst 2008 fór „Jesus, Take the Wheel“ í platínumsölu, sem gerði Underwood að eina kántrítónlistarmanninum sem hefur náð tveimur smáskífum í platínumsölu en lagið „Before He Cheats“ náði þeim áfanga árið 2007. Underwood fór af stað í fyrstu tónleikaferðina sína, Carrie Underwood: Live 2006 um Norður-Ameríku.

Heimildir

Fyrirmynd greinarinnar var „Carrie Underwood“ á ensku útgáfu Wikipedia. Sótt apríl 2012.