Bryndís Benediktsdóttir

Breyta tenglum
Úr Wikipediu, frjálsa alfræðiritinu
Bryndís Benediktsdóttir
Fædd1951
StörfPrófessor emeritus við Læknadeild Háskóla Íslands

Bryndís Benediktsdóttir (f. 1951)[1] er prófessor emeritus við Læknadeild Háskóla Íslands.

Ferill[breyta | breyta frumkóða]

Bryndís lauk stúdentsprófi frá Menntaskólanum í Reykjavík 1971 og hóf það ár nám í læknisfræði við Háskóla Íslands. Hún lauk kandidatsprófi þaðan 1977 og stundaði framhaldsnám í heimilislækningum og lyflækningum á árunum 1979 til 1987 í Uppsölum í Svíþjóð. Hlaut sérfræðiréttindi í heimilislækningum í Svíþjóð 1984,[2] á Íslandi 1987 og evrópsk sérfræðiréttindi í Sleep Medicine 2009.

Í júní 1987 hóf Bryndís störf sem sérfræðingur í heimilislækningum við Heilsugæsluna í Garðabæ[2] og starfaði þar til ársins 2019.

Bryndís var ein af stofnendum Hins íslenska svefnrannsóknarfélags[3] árið 1988. Á árunum 1997 til 1999 vann hún á svefnrannsóknarstofu geðdeildar, Landspítalanum við Hringbraut. Ráðgefandi sérfræðingur við Scan-Sleep svefnrannsóknarstofnun í Kaupmannahöfn á árunum 2002-12. Frá árinu 2004 til dagsins í dag hefur Bryndís starfað við svefnrannsóknir á svefndeild Landspítala í Fossvogi. Bryndís hóf störf við læknadeild Háskóla Íslands sem stundakennari 1987, fastráðin frá árinu 1991 fyrst sem lektor, dósent 2005 og skipuð prófessor árið 2013.[4]

Hún tók þátt í að innleiða, móta og efla kennslu í samskiptum læknis og sjúklings við Læknadeild HÍ, en það hafði ekki verið þáttur í námi læknanema þegar hún hóf störf. Mótunarferlið var unnið í samstarfi við læknaskóla á Norðurlöndum, Bandaríkjunum og víðar. Hún byggði upp kennsluna sem hefur fengið vaxandi vægi og hlutdeild í læknanáminu. Námið felur í sér að kenna og þjálfa samskipti læknis og sjúklings, siðfræði, sálfræði og lög sem lúta að læknisstarfinu. Lögð er áhersla á fagmennsku, mannvirðingu og manngæsku í starfi læknis og að gengið sé út frá sjónarhorni sjúklings við að leysa vanda hans, í stað þess að einblína einöngu á sjúkdómsgreiningar. Samstarf við hugvísindasvið HÍ var komið á (Íslensku- og menningardeild) og fagurbókmenntir notaðar við kennslu til að efla skilning og samlíðan í samskiptum læknis og sjúklings og siðfræðikennsla efld til mikilla muna.[5][6]

Ýmis störf og verkefni[breyta | breyta frumkóða]

Á starfsárum sínum gegndi Bryndís trúnaðarstörfum á vegum Háskóla Íslands. Hún sat í deildarráði læknadeildar á árunum 2004-09[7] og seinna sem varamaður. Á árunum 1998 -2005 var hún fulltrúi HÍ í Nordic Network for Education in Medical Communication og formaður ráðsins 2003.[8] Formaður jafnréttisnefndar læknadeildar 2006-09, í jafnréttisnefnd Heilbrigðisvísindasviðs 2009-12 og í stjórn Rannóknastofu í kvenna - og kynjafræðum, RIKK 2009-10. Hún var fulltrúi HÍ í nefnd um tæknifrjóvgun skipuð af heilbrigðisráðneyti og í stöðunefnd lækna á vegum heilbrigðisráðuneytis frá árinu 2005.[9]

Bryndís sat í ritstjórn Læknablaðsins 2007-11[10] og The Scandinavian Journal of Primary Health care 1994-2005.

Rannsóknir[breyta | breyta frumkóða]

Bryndís hefur verið afkastamikill vísindamaður og hafa rannsóknir hennar beinst fyrst og fremst að svefni og svefnsjúkdómum, en einnig áhrifum erfða og umhverfis á heilsu.[11][12] Stór hluti þeirra hafa verið unnar í alþjóðlegri samvinnu, einkum við rannsakendur á Norðurlöndum og við PENN háskólann, Philadelphiu, BNA. Hún hefur verið rannsakandi og verkefnisstjóri í fjölþjóðlegum rannsóknarverkefnunum: BOLD,[13] SAGIC,[14] RHINE,[15] RHINESSA[16] og ECRHS.[17] Niðurstöður rannsókna hennar hafa verið birtar í virtum erlendum ritrýndum læknatímaritum, en einnig í Læknablaðinu.[11][12] Hún hefur haldið fjölda fyrirlestra[18][19][20] og birt veggspjöld á alþjóðlegum og innlendum ráðstefnum.

Viðurkenningar[breyta | breyta frumkóða]

Hún hefur hlotið verðlaun fyrir rannsóknir á svefni. Hún hlaut Astra award for sleep research in Primary care árið 2000 og The Wayne Hening Investor Award[21] á veitt af American Academy of Sleep Medicine and Sleep Research Society 2012.

Einkalíf[breyta | breyta frumkóða]

Bryndís er gift Þórarni Gíslasyni prófessor og yfirlækni og eiga þau fjögur börn.[2][22]

Heimildir[breyta | breyta frumkóða]

  1. ↑ Árbók Háskóla Íslands. Háskólaárið 2008 (bls. 323). Sótt 7. september 2019.
  2. ↑ 2,0 2,1 2,2 „Morgunblaðið. (1997, 22. október). Margar konur fá svefntruflanir við tíðahvörf“. Sótt 7. september 2019.
  3. ↑ Hið íslenska svefnrannsóknarfélag Geymt 25 ágúst 2019 í Wayback Machine. Sótt 7. september 2019.
  4. ↑ Háskóli Íslands. Háskólaráðsfundur 5. desember 2013.Framgangur akademískra starfsmanna Háskóla Íslands 2013. Sótt 7. september 2019.
  5. ↑ Læknablaðið. (2008). Læknavísindin eru hluti af læknalistinni. Viðtal við Bryndísi Benediktsdóttur. Læknablaðið, 94(5). Sótt 7. september 2019.
  6. ↑ Háskóli Íslands. Læknis- og bókmenntafræði hönd í hönd. Ásdís Egilsdóttir og Dagný Kristjánsdóttir, prófessorar við Íslensku- og menningardeild, og Bryndís Benediktsdóttir, prófessor við Læknadeild. Sótt 7. september 2019.
  7. ↑ Árbók Háskóla Íslands. Háskólaárið 2005 (bls. 140). Sótt 7. september 2019.
  8. ↑ Læknablaðið. (2008). Læknavísindin eru hluti af læknalistinni. Viðtal við Bryndísi Benediktsdóttur. Læknablaðið, 94(5). Sótt 7. september 2019.
  9. ↑ Embætti landlæknis. (2014). Stöðunefndir Geymt 14 febrúar 2020 í Wayback Machine. Sótt 7. september 2019.
  10. ↑ Engilbert Sigurðsson. (2011). Vegferð Læknablaðsins og ógnir við velferð sjúklinga. Læknablaðið, 97(9). Sótt 7. september 2019.
  11. ↑ 11,0 11,1 „Google Scholar. Bryndís Benediktsdótir“. Sótt 7. september 2019.
  12. ↑ 12,0 12,1 „PubMed. Bryndís Benediktsdóttir. Greinar sl. 10 ár“. Sótt 7. september 2019.
  13. ↑ BOLD. Burden of Obstructive Lung Disease Geymt 6 júlí 2019 í Wayback Machine. Sótt 7. september 2019.
  14. ↑ Center for Sleep and Circadian Neurobiology. Sleep Apnea Global Interdisciplinary Consortium. Sótt 7. september 2019.
  15. ↑ RHINE. Respiratory health in Northern Europe Geymt 14 febrúar 2020 í Wayback Machine. Sótt 7. september 2019.
  16. ↑ Helse Bergen. Haukeland universitetsjukehus. RHINESSA Ísland. Sótt 7. september 2019.
  17. ↑ ECRHS. European Community Respiratory Health Survey. Sótt 7. september 2019.
  18. ↑ Hið íslenska svefnrannsóknafélag. Svefnráðleggingar. Nokkur einföld ráð til að bæta svefn – Bryndís Benediktsdóttir læknir Geymt 23 september 2019 í Wayback Machine. Sótt 7. september 2019.
  19. ↑ Stefán Árni Pálsson. (2015, 29. apríl). Þjáist af svefntruflunum: Kýlir og sparkar í konuna sína á nóttunni. Vísir.is. Sótt 7. september 2019.
  20. ↑ Dagur-Tíminn. (1996, 2. nóvember). Syfjaðir unglingar. Sótt 7. september 2019.
  21. ↑ Irlssg. Wayne Hening Young Investigator. Past Winners Geymt 14 febrúar 2020 í Wayback Machine. Sótt 7. september 2019.
  22. ↑ Læknablaðið. (2010). Kæfisvefn taldist varla sjúkdómur. Sótt 7. september 2019.
Sótt frá „https://is.wikipedia.org/w/index.php?title=Bryndís_Benediktsdóttir&oldid=1851173“