Blóðmeri
Blóðmeri er hryssa sem látin er ganga með folald til þess eins að taka úr henni blóð á meðgöngu. Blóðið er nýtt í líftækniframleiðslu til að framleiða frjósemislyf sem er notað í svínarækt. Folöldum blóðmera er alla jafna slátrað á haustin. Árið 2019 voru á Íslandi 5036 hryssur notaðar sem blóðmerar.
Blóðmerahald hefur verið gagnrýnt út frá dýraverndarsjónarmiðum.[1]
Blóð sem tekið er úr fylfullum merum inniheldur hormónið eCG (Equine chorionic gonadotropin) sem áður var talað um sem PMSG (pregnant mare's serum gonadotropin) en þetta hormón er notað í samspili við prógestógen til að framkalla egglos hjá svínum og nautgripum fyrir sæðingu.
Starfsemin er ekki stunduð í Evrópu nema á Íslandi. Hún er þó ekki ólögleg í álfunni. [2]
Árið 2021 birtu svissnesk dýraverndunarsamtök myndband þar sem ill meðferð á hryssum á Íslandi var sýnd. Starfsemi fimm hrossabænda sem stunduðu blóðtöku úr merum var stöðvuð í kjölfarið. [3]
Heimildir[breyta | breyta frumkóða]
- Sjávarútvegs- og landbúnaðarráðherra við fyrirspurn frá Ágústi Ólafi Ágústssyni um blóðmerahald (Vefur Alþingis 25. febrúar 2020)
- Blóðmerahald og fallin folöld þeirra á Íslandi (Árni Stefán Árnason 14. janúar 2020
- Greinin Equine chorionic gonadotropin á ensku Wikipedia.
Tilvísanir[breyta | breyta frumkóða]
- ↑ Manteca Vilanova, Xavier; De Briyne, Nancy; Beaver, Bonnie; Turner, Patricia V. (1. desember 2019). „Horse Welfare During Equine Chorionic Gonadotropin (eCG) Production“. Animals (enska). 9 (12): 1053. doi:10.3390/ani9121053. ISSN 2076-2615. PMC 6940776. PMID 31805698.
- ↑ Blóðmerahald áfram leyft RÚV, sótt 1. júní 2022
- ↑ Blóðtaka úr merum hefur verið stöðvuð á fimm stöðum Rúv, sótt 23. nóv 2021