Þórdís Kristmundsdóttir
Þórdís Kristmundsdóttir | |
---|---|
Fædd | 13. nóvember 1948 |
Störf | Prófessor emerita í lyfjafræði við Háskóla Íslands |
Þórdís Kristmundsdóttir (f. 13. nóvember 1948) er prófessor emerita í lyfjafræði við Háskóla Íslands. Hún er fædd og uppalin í Reykjavík.[1]
Ferill[breyta | breyta frumkóða]
Hún lauk stúdentsprófi frá MR 1968 og M.Sc.-prófi í lyfjafræði og síðar doktorsprófi frá háskólanum í Manchester á Englandi 1976.[2] Hún hlaut sérfræðiviðurkenningu LFÍ (Lyfjafræðingafélags Íslands) árið 1977[3] og var Post-Doctoral Research Fellow á vegum I.C.I. Pharmaceuticals við lyfjafræðideild háskólans í Manchester 1977-79.[4]
Haustið 1979 hóf Þórdís störf við deild lyfjafræði lyfsala við HÍ sem sérfræðingur. Hún varð prófessor í lyfjagerðarfræði við HÍ 1986, sem er hennar sérsvið, og þar með önnur konan sem skipuð var prófessor við HÍ. Sú fyrsta var Margrét Guðnadóttir veirufræðingur.[5][1][6]
Rannsóknir[breyta | breyta frumkóða]
Rannsóknir Þórdísar hafa m.a. beinst að þróun og prófunum á lyfjaformum sem innihalda sýkladrepandi fitusýrur og mónóglýseríð sem virk efni, í þeim tilgangi að fyrirbyggja smit um slímhimnur og til meðferðar á húð- og slímhimnusýkingum.[4] Niðurstöður rannsókna hennar sýna kosti þess að nýta lípíð til að meðhöndla sýkingar í húð eða slímhúð en þau lípíð sem hún hefur unnið með eru örverudrepandi, erta hvorki né valda ofnæmi og vekja ekki upp mótsvörun líkamans.[7] Rannsóknir hennar sýna að lípíð gætu orðið ódýr uppspretta örverudrepandi efna til að takast á við sýkingar. Þórdís hefur víða haldið fyrirlestra og ritað fjölda greina og bókarkafla um viðfangsefni sín.[8]
Ýmis störf og verkefni[breyta | breyta frumkóða]
Þórdís var ritstjóri Tímarits um lyfjafræði 1980-84 og í fræðslunefnd LFÍ 1985-1988. Hún var framkvæmdastjóri Lyfjafræðingafélags Íslands 1979-1991, sat í framhaldsmenntunarráði félagsins 1994-96 og í stjórn Norrænu samtakanna um menntun lyfjafræðinga 1997-2001 (NFFU). Þórdís átti sæti í stjórn Lyfjafræðistofnunar Háskóla Íslands 1997-1999 og í stjórnarnefnd lyfjafræði lyfsala (læknadeild) og var formaður stjórnarnefndarinnar 1986-1987, 1989-91, 1993-1995, 1997-1999, 2000-03 og 2009-11. Hún var kjörin fyrsti deildarforseti Lyfjafræðideildar er hún var stofnuð og sat í deildarráði Læknadeildar 1988-92 og 1996-2000. Þórdís var í forystu við uppbyggingu Lyfjafræðideildar í Haga ásamt Þorsteini Loftssyni prófessor og Kristínu Ingólfsdóttur, fyrrum rektor HÍ, og var stjórnarformaður Reykjavíkurapóteks-Háskólaapóteks.[1]
Þórdís var fulltrúi Heilbrigðisvísindasviðs í háskólaráði 2006-2008[9] og átti sæti í nefnd háskólaráðs þar sem endurskoðuð voru ákvæði laga og reglna um dómnefndir og fleiri þætti ráðningarmála 2000-2002. Hún var í stjórn líf- og læknisfræðideildar Vísindasjóðs 1987-94 og varaformaður sjóðsins 1991-94. Þá sat hún í stjórn fagráðs Tæknisjóðs Rannís 1998-2002[1] og átti sæti í vísindasjóði HÍ 1995-2005, í vísindanefnd skólans 2001-2005 og 2011-2014[10] og í fagráði heilbrigðisvísinda vegna úthlutunar úr Eimskipafélagssjóðnum 2002.
Þórdís sat í stjórnarnefnd í norræna vísindasjóðnum Nordisk Forskarudannings Akademi (NorFa) (1990-1991) og var fulltrúi Íslands í norrænu rannsóknarnámskeiðunum Nordiska Forskarkurser (NordForsk) 1991-96 og Nordisk Federation for Farmaceutisk Undervisning (NFFU) 1997-2001. Þórdís sat í stjórn vísindasjóðs Krabbameinsfélags Íslands 1989-92, var varaformaður sjóðsins 1990-91 og formaður 1991-92. Einnig og var hún fulltrúi Krabbameinsfélags Íslands í stjórn rannsóknarsjóðs Norrænu Krabbameinssamtakanna (Nordisk Cancer Union) 1990-92. Þá sat hún í stjórn Rannsóknaþjónustu Háskóla Íslands og var fyrsti formaður hugverkanefndar Háskóla Íslands og LSH 2002-2009. Þórdís og var fyrsti formaður doktorsnámsnefndar Heilbrigðisvísindasviðs háskólans 2014-2017.[11] Hún átti einnig sæti í kærunefnd í málefnum nemenda við HÍ,[12] var fulltrúi HÍ í stefnunefnd í sameiginlegum málefnum HÍ og Landspítala og gegndi formennsku í afreks- og hvatningarsjóði HÍ.[13]
Á árunum 1986-1988 var Þórdís varaformaður Félags háskólakennara og hún varð fyrst kvenna til að ganga í Rótarý Reykjavík (ásamt Sigríði Snævarr)[1] og sat í stjórn klúbbsins 1997-1998. Hún hefur setið í ýmsum nefndum á vegum háskólaráðs og rektors HÍ, unnið að skipulagningu fjölmargra vísindaráðstefna, setið í masters- og doktorsnefndum, ýmsum dómnefndum vegna stöðuveitinga lektora, dósenta og prófessora og sinnt fjölmörgum öðrum stjórnunar- og trúnaðarstörfum innan HÍ.
Viðurkenningar[breyta | breyta frumkóða]
Þórdísi voru veitt Nýsköpunarverðlaun Tækniþróunar hf. (ásamt W. Peter Holbrook og Skúla Skúlasyni) 1998,[14] og verðlaun International Association for Dental Research (IADR) og GlaxoSmithKline (GSK) fyrir rannsóknir á lyfjagjöf við munnholssjúkdómum 2005 (ásamt W. Peter Holbrook, Halldóri Þormar og Skúla Skúlasyni[15]).[16] Í nóvember 2018 var Þórdísi veitt gullmerki Lyfjafræðingafélags Íslands fyrir ötult og fórnfúst starf í þágu lyfjafræðimenntunar og Lyfjafræðingafélags Íslands.[17]
Einkalíf[breyta | breyta frumkóða]
Foreldrar Þórdísar voru Kristmundur Jakobsson (f. 1923, d. 2014), loftskeytamaður og símvirki, og Ástdís Gísladóttir (f. 1926, d. 1999) húsfreyja. Þórdís er gift Eiríki Erni Arnarsyni,[17] (f. 1949), prófessor emeritus við Læknadeild HÍ[18] og sérfræðingi í klínískri sálfræði. Dætur Þórdísar og Eiríks eru Hildur viðskiptafræðingur og Kristín Björk lyfjafræðingur.[19]
Helstu ritverk[breyta | breyta frumkóða]
Greinar[breyta | breyta frumkóða]
- Utsuki, T., Brem, H., Pitha, J., Loftsson, T., Kristmundsdottir, T., Tyler, B. M., Olivi, Potentiation of anticancer effects of microencapsulated carboplatin by hydroxypropyl α-cyclodextrin. Journal of Controlled Release. 1996;40(3):251-60.
- Holbrook, W. P., Kristmundsdóttir, T., Loftsson, T. Aqueous hydrocortisone mouthwash solution: clinical evaluation. Acta Odontologica Scandinavica. 1998;56(3):157-60.
- Thormar, H., Bergsson, G., Gunnarsson, E., Georgsson, G., Witvrouw, M., Steingrimsson, Ó., De Clercq E., Kristmundsdóttir, T. Hydrogels containing monocaprin have potent microbicidal activities against sexually transmitted viruses and bacteria in vitro. Sexually Transmitted Infections. 1999;75(3):181-5.
- Kristmundsdottir, T., Arnadottir, S. G., Bergsson, G., Thormar, H. Erratum: Development and evaluation of microbiocidal hydrogels containing monoglyceride as the active ingredient (Journal of pharmaceutical sciences (1999) 88 (1011-1015)). Journal of Pharmaceutical Sciences. 1999;88(12):1366.
- Kristmundsdottir, T., Aradottir, H. A., Ingolfsdottir, K., Ogmundsdottir, H. M. Solubilization of the lichen metabolite (+)-usnic acid for testing in tissue culture. J Pharm Pharmacol. 2002;54(11):1447-52.
- Kristmundsdottir, T., Jonsdottir, E., Ogmundsdottir, H. M, Ingolfsdottir, K. Solubilization of poorly soluble lichen metabolites for biological testing on cell lines. Eur J Pharm Sci. 2005;24(5):539-43.
- Skulason, S., Holbrook, W. P., Kristmundsdottir, T. Clinical assessment of the effect of a matrix metalloproteinase inhibitor on aphthous ulcers. Acta Odontol Scand. 2009;67(1):25-9.
- Skulason, S., Holbrook, W. P., Thormar, H., Gunnarsson, G. B., Kristmundsdottir, T. A study of the clinical activity of a gel combining monocaprin and doxycycline: a novel treatment for herpes labialis. J Oral Pathol Med. 2012;41(1):61-7.
- Hilmarsson, H., Kristmundsdóttir, T., Gunnarsson, E., Thormar, H. Intranasal delivery of formulations containing virucidal lipids for treatment of respiratory syncytial virus (RSV) infection in rats. Journal of Drug Delivery Science and Technology. 2013;23(5):455-7.
- Holbrook, W. P., Kristmundsdóttir, T., Thormar, H., Jónsdóttir, S. Á., Helgadóttir, H. OI0259 A denture adhesive containing monocaprin for reducing contamination with Candida. Oral Surgery, Oral Medicine, Oral Pathology and Oral Radiology. 2014;117(5):e355.
- Reddy Patlolla, V. G., Holbrook, W. P., Gizurarson, S., Kristmundsdottir, T. Long-term stabilization of aqueous doxycycline formulations, in mucoadhesive hydrogels for treatment of oral mucosal conditions. Curr Drug Discov Technol. 2019 Feb DOI: 10.2174/1570163816666190222193902.
- Reddy Patlolla, V. G., Holbrook, W. P., Gizurarson, S., Kristmundsdottir, T. Doxycycline and Monocaprin In Situ Hydrogel: Effect on Stability, Mucoadhesion and Texture Analysis and In Vitro Release. Gels (Basel, Switzerland), 09 December 2019; 5(4).
Bókakaflar[breyta | breyta frumkóða]
- T. Loftsson, T. Kristmundsdóttir. (1993) Microcapsules containing water-soluble cyclodextrine inclusion complexes of water-insoluble drugs, bls. 168-189 í ACS SYMPOSIUM SERIES Volume: 5203.
- T. Kristmundsdóttir, S. Skúlason. (2011) Lipids as active ingredients in pharmaceuticals, cosmetics and health foods, bls. 151-178 í bókinni Lipids and Essential Oils as Antimicrobial Agents, John Wiley & Sons.
- W. P. Holbrook, V. G. Patlolla., T. Kristmundsdóttir. (2018). Developing Remedies for Oral Mucosal Diseases (bls. 151-158). í bókinni Translational Oral Health Research, Meurman J. (ritsj.). Springer, Cham.
Heimildir[breyta | breyta frumkóða]
- ↑ 1,0 1,1 1,2 1,3 1,4 „Morgunblaðið. (2018, 13. nóvember). Hún varð annar kvenprófessorinn við HÍ. Þórdís Kristmundsdóttir, prófessor við HÍ – 70 ára“. Sótt 20. janúar 2020.
- ↑ Skrár um doktorsritgerðir Íslendinga. Þórdís Kristmundsdóttir. Sótt 20. janúar 2020.
- ↑ Axel Sigurðsson (ritstj.). (2004). Lyfjafræðingatal. Lyfjafræðingar á Íslandi (bls. 376-378). Seltjarnarnes: Lyfjafræðingafélag Íslands.
- ↑ 4,0 4,1 „Lyfjafræðisetur HÍ. Þórdís Kristmundsdóttir“. Sótt 20. janúar 2020.
- ↑ Guðmundur Hálfdánarson, Sigríður Matthíasdóttir. (2011). Aldasaga Háskóla Íslands 1911-2011 (bls. 326-444). Sótt 20. janúar 2020.
- ↑ Morgunblaðið B. (1986, 23. febrúar). „Vill byggja upp gott lyfjafræðinám“ segir Þórdís Kristmundsdóttir nýskipaður prófessor í lyfjagerðarfræði við Háskóla Íslands. Þórdís er önnur konan, sem veitt er prófessorsstaða við Háskólann. Sótt 20. janúar 2020.
- ↑ Morgunblaðið. (1999, 30. júní). Ný aðferð drepur kynsjúkdómavalda. Íslensk uppgötvun í alþjóðlegu tímariti um kynsjúkdóma. Sótt 20. janúar 2020.
- ↑ Researchgate. Thórdís Kristmundsdóttir. Sótt 20. janúar 2020.
- ↑ Háskóli Íslands. (2006). 21. háskólafundur 17. nóvember 2006. Sótt 20. janúar 2020.
- ↑ Háskóli Íslands. (2015). Nær 30 fá doktorsstyrki við Háskóla Íslands. Sótt 20. janúar 2020.
- ↑ Háskóli Íslands. (2016). Doktorsnám með alþjóðlega gæðavottun. Sótt 20. janúar 2020.
- ↑ Háskóli Íslands. (2017). Fundargerð háskólaráðs 12. janúar 2017. Sótt 20. janúar 2020.
- ↑ Háskóli Íslands. (2010). Úthlutun úr Afreks- og hvatningasjóði stúdenta Háskóla Íslands. Sótt 20. janúar 2020.
- ↑ Mbl.is. (1998, 19. júní). 200.000 kr. verðlaun fyrir lokaverkefni. Sótt 20. janúar 2020./
- ↑ Tannlæknablaðið. (2005). Peter Holbrook og félagar. Tannlæknablaðið, 23(1), 45. Sótt 20. janúar 2020.
- ↑ Háskóli Íslands. Lípíð gegn húðsýkingum. Þórdís Kristmundsdóttir, professor við Lyfjafræðideild. Sótt 20. janúar 2020.
- ↑ 17,0 17,1 „Lyfjafræðingafélag Íslands. (2018). Gullmerki LFÍ“. Sótt 20. janúar 2020.
- ↑ Háskóli Íslands. Eiríkur Örn Arnarson. Prófessor í sálfræði[óvirkur tengill]. Sótt 20. janúar 2020.n
- ↑ Lyfjafræðingafélag Íslands. Dagur lyfjafræðinnar Geymt 27 mars 2020 í Wayback Machine. Sótt 20. janúar 2020.