Facon - Ég er frjáls

Ég er frjáls
Bakhlið
Gerð	SG - 538
Flytjandi	Facon
Gefin út	1969
Tónlistarstefna	Dægurlög
Útgáfufyrirtæki	SG - hljómplötur

Ég er frjáls er 45-snúninga hljómplata gefin út af SG - hljómplötum árið 1969. Á henni flytur hljómsveitin Facon ásamt söngvaranum Jóni Kr. Ólafssyni fjögur lög.

Lagalisti

1. Vísitölufjölskyldan - Lag - texti: Sid Barrett - Pétur Bjarnason
2. Ljúfþýtt lag - Lag - texti: Jón Ástvaldur Jónsson - Hafliði Magnússon
3. Ég er frjáls - Lag - texti: Pétur Bjarnason - Hljóðdæmi 
4. Unaðs bjarta æska - Lag - texti: Jón Ástvaldur Jónsson - Hafliði Magnússon

Ég er frjáls

Ég er frjáls eins og fuglinn, flogið næstum ég gæti.

Mér er ekkert til ama flest nú eykur mér kæti.

Alsæll er ég því orðinn, ekki kann ég mér læti.

Ég er frjáls, ég er frjáls.

Förum út til að fagna, lyftum freyðandi skálum.

Gleði og ánægju aukum, öllum leiðindum kálum.

En þó alltaf við hrópum, þegar einhvern við skálum.

Ég er frjáls, ég er frjáls.

Ég er frjáls, ég er frjáls. Frjáls eins og fuglinn er,

frjáls og ég skemmti mér. Ég er frjáls.

Ég er frjáls, ég er frjáls. Frjáls eins og fuglinn er,

frjáls og ég skemmti mér. Ég er frjáls.

Ég er frjáls, ég er frjáls. Frjáls eins og fuglinn er......

Textabrot af bakhlið plötuumslags

	Hljómsveitin FACON er frá Bíldudal. Hún var stofnuð fyrir 5—6 árum. En það er með FACON eins og aðrar hljómsveitir á fámennum stöðum út á landi, það eru tíðar mannabreytingar. Gítarleikarinn, sem allir hrifust af í sumar er kannski kominn í skóla til Reykjavíkur næsta haust og trommuleikarinn, sem ætlaði aldrei að gera annað en spila á trommur allt sitt líf, er ef til vill orðinn kokkur á rækjubáti í næstu viku. En þó að ekki fari mikið fyrir þessum hljómsveitum, þá standa þær oft og tíðum fyrir sínu. Þrjú laganna af fjórum á þessari plötu eru eftir með- limi FACON og þá einnig tveir textar og hljóðfæraleikur og söngur FACON stenzt fyllilega samanburð við stóran hluta þess, sem komið hefur út á íslenzkum hljómplötum. Þessa stundina skipa þessir menn hljómsveitina: Pétur Bjarnason bassi, Ástvaldur Jónsson gítar og píanó, Grétar Ingimarsson trommur og Jón Kr. Ólafsson söngvari.
	— Svavar Gests