Lögverndað starfsheiti

Lögverndað starfsheiti er á Íslandi starfsheiti tiltekið í íslenskum lögum sem aðeins þeir sem hafa hlotið til þess menntun og fengið leyfi ráðherra mega nota.

Arkitekt (húsameistari) er lögverndað starfsheiti og þarf leyfi ráðuneytis til að nota þann titil.
Bókasafns- og upplýsingafræðingur er lögverndað starfsheiti þeirra sem hafa lokið námi í bókasafns- og upplýsingafræði.
Byggingafræðingur er lögverndað starfsheiti og þarf leyfi ráðuneytis til að nota þann titil.
Félagsráðgjafi er lögverndað starfsheiti og því geta einungis þeir sem hafa lokið meistaranámi frá viðurkenndum háskólum og fengið starfsleyfi á Íslandi skv. reglugerð nr. 1088/2012.
Hagfræðingur er lögverndað starfsheiti og geta því einungis þeir sem hafa lokið námi notað það sem titil. Ekki þarf leyfi ráðuneytis ef útskrifast er frá viðurkenndum íslenskum háskóla.
Hjúkrunarfræðingur er lögverndað starfsheiti og þarf leyfi ráðuneytis til að nota þann titil.
Húsgagna- og innanhússhönnuður (húsgagna- og innanhússhönnuður) eru lögvernduð starfsheiti og þarf leyfi ráðuneytis til að nota þá titla.
Iðnfræðingur er lögverndað starfsheiti og þarf leyfi ráðuneytis til að nota þann titil.
Kennari: Leikskólakennari, grunnskólakennari og framhaldsskólakennari eru lögvernduð starfsheiti og þarf leyfi ráðuneytis til að nota þá titla. Strangt til tekið er "kennari" ekki lögverndað starfsheiti.
Landslagsarkitekt (landslagshönnuður) er lögverndað starfsheiti og þarf leyfi ráðuneytis til að nota þann titil.
Lífeindafræðingur er lögverndað starfsheiti og þarf leyfi heilbrigðisráðuneytis til að nota þann titil.
Læknir er lögverndað starfsheiti og þarf leyfi ráðuneytis til að nota þann titil.
Lögmaður, héraðsdómslögmaður og hæstaréttarlögmaður eru lögvernduð starfsheiti og þarf leyfi ráðherra til að nota þá titla.
Raffræðingur er lögverndað starfsheiti og þarf leyfi ráðuneytis til að nota þann titil.
Sálfræðingur er lögverndað starfsheiti og þarf leyfi ráðuneytis til að nota þann titil.
Sjúkranuddari er lögverndað starfsheiti og þarf leyfi ráðuneytis til að nota þann titil.
Skipulagsfræðingur er lögverndað starfsheiti og þarf leyfi ráðuneytis til að nota þann titil.
Tæknifræðingur er lögverndað starfsheiti og þarf leyfi ráðuneytis til að nota þann titil.
Tölvunarfræðingur er lögverndað starfsheiti og geta því einungis þeir sem hafa lokið námi notað það sem titil. Ekki þarf leyfi ráðuneytis ef útskrifast er frá viðurkenndum íslenskum háskóla.
Verkfræðingur er lögverndað starfsheiti og þarf leyfi ráðuneytis til að nota þann titil.
Viðskiptafræðingur er lögverndað starfsheiti og geta því einungis þeir sem hafa lokið námi notað það sem titil. Ekki þarf leyfi ráðuneytis ef útskrifast er frá viðurkenndum íslenskum háskóla.
Náms- og starfsráðgjafi er lögverndað starfsheiti og þarf leyfi mennta- og menningarráðuneytis til að nota þann titil.
Þroskaþjálfi er lögverndað starfsheiti og þarf leyfi heilbrigðisráðuneytis til að nota þann titil.

Íslenskir háskólar sjá yfirleitt um milligöngu við ráðherra fyrir hönd nemenda. Fyrr á tíð þurftu einstaklingar að mæta í ráðuneytin og fá undirskrift ráðherra sjálfir.

Tenglar