Ed Westwick

Ed Westwick
Westwick árið 2010
Fæddur	Edward Gregory Westwick 27. júní 1987 (1987-06-27) Snið:EN Stevenage, Hertfordshire, England
Þekktur fyrir	Leikari

Edward „Ed“ Westwick (f. 27. júní 1987) er enskur leikari og tónlistarmaður sem er best þekktur fyrir hlutverk sitt sem Chuck Bass í sjónvarpsþættinum Gossip Girl.

Æska og ferill

Westwick fæddist í Stevenage í Hertfordshire á Englandi og er sonur Carole, sálfræðings, og Peter Westwick, háskólaprófessors. Hann ólst upp í Stevenage og æfði í National Youth-leikhúsinu í London. Hann heldur með Chelsea F.C. Hann byrjaði feril sinn á að birstast í breskum sjónvarpsþáttum eins og Doctors as Holden, Casualty og Afterlife. Hann lék einnig í kvikmyndunum Breaking and Entering, Children of Men og Son of Rambow.

Árið 2007 var Westwick ráðinn í unglinga-dramaþáttinn Gossip Girl sem Chuck Bass. Eftir að þátturinn sló í gegn var hann útnefndur „kynþokkafyllsti maður á lífi“ árið 2008 af tímaritinu People, birtist árið eftir á lista þeirra yfir „100 fallegustu“ ásamt öllum leikurum Gossip Girl, vann tvö verðlaun árin 2008 og 2009 fyrir besta þorpara í sjónvarpi og var útnefndur sem vonarstjarna GQ árið 2010. Entartainment Weekly útnefndi persónu Westwicks, Chuck Bass, „best klæddu sjónarpsþáttapersónu ársins 2008“ (en deildi þó sætinu með persónu Leighton Meester, Blair Waldorf).

Árið 2008 varð Westwick nýtt andlit K-Swiss en hann var annar meðlimur leikaraliðs Gossip Girl til að kynna íþróttafatnað (Leighton Meester auglýsti Reebok) og lék í hryllingsmyndinni 100 Feet

Árið 2009 lék Westwick hlutverk í framhaldsmynd Donnie Darko og lék einnig gestahlutverk í þriðju þáttaröð Californication en hann lék nemanda sem var dolfallinn aðdáandi vampírubókmennta. Í maí 2009 var hann nefndur við hlutverk Heathcliff í Wuthering Heights. En í janúar 2010 fór kvikmyndin í hendur nýs leikstjóra sem ákvað að breyta leikaravalinu.

Í janúar 2011 gekk Westwick til liðs við mynd Clint Eastwood, J. Edgar, en Leonardo DiCaprio fór með hlutverk J. Edgar Hoover, fyrsta forstjóra bandarísku Alríkislögreglunnar (FBI). Þetta sama ár lék hann í rómantísku gamanmyndinni Chalet Girl ásamt Felicity Jones.

Hann las að hluta inn á hljóðbókarútgáfu City of Fallen Angles eftir Cassöndru Clare og las inn á aðra skáldsögu hennar úr bókaflokkinum Clocwork Prince from The Infernal Devices.

Westwick varð einnig alþjóðlegur frægur talsmaður Penshoppe, um mitt ár 2011.

Hann á að leika í nýrri útgáfu af Róme og Júlíu, sem frændi Júlíu, Tíbalt ásamt Hailee Steinfeld.

Einkalíf

Westwick hóf ástarsamband með mótleikkonu sinni úr Gossip Girl, Jessicu Szohr árið 2008. Þau slitu sambandinu í maí 2010 og Westwick sagði í kjölfarið „kærustur eru of mikill höfuðverkur“ en þau byrjuðu aftur saman í stuttan tíma við tökur fjórðu þáttaraðar Gossip Girl í ágúst 2010. Í febrúar 2012 var tilkynnt um að Westwick og Szohr hefðu aftur tekið upp samband sitt.

Fyrir utan leiklist var hann forsprakki bresku indie-rock hljómsveitarinnar The Filthy Youth sem samanstóð af honum, Benjamin Lewis Allingham, Jimmy Wright, Tom Bastiani og John Vooght. Á meðan hann er óvirkur meðlimur bandsins, aðallega vegna þess að hann vill einbeita sér að leiklistarferlinum, og hinir hljómsveitarmeðlimirnir eru búsettir í Bretlandi, hefur hann sýnt áhuga á því að stofna aðra hljómsveit í New York.

Hlutverk

Kvikmyndir

Ár	Kvikmynd	Hlutverk	ATH
2004	Goodbye K'Life	Nino Salithers
2006	Children of Men	Alex Breaking and Entering	Zoran
	2007	Son of Rambow'	Lawrence Carter
2008	100 Feet	Joey
2009	S. Darko	Randy Jackson
2010	The Commuter	Bell Boy
2011	Chalet Girl	Jonny J. Edgar	Smith fulltrúi
	2010	Romeo and Juliet	Tybalt

Sjónarpsþættir

Ár	Titill	Hlutverk	ATH
2006	Doctors	Holden Edwards	07x154 - „Young Mothers Do Have 'Em“
	Casualty	Johnny Cullin	20x029 - „Family Matters“
	Afterlife	Darren	02x001 - „Roadside Bouquets“
2007 -	Gossip Girl	Chuck Bass	Aðalhlutverk
2009	Californication	Chris „Balt“ Smith	03x002 - „The Land of Rape and Honey“

Verðlaun

Ár	Flokkur	Þáttaröð	Verðlaun	Niðurstaða
2008	Karlkynsstjarna í sjónvarpsþætti	Gossip Girl	Teen Choice Awards	Vann
2008	Besti þorparinn	Gossip Girl	Teen Choice Awards	Vann
2009	Besti þorparinn	Gossip Girl	Teen Choice Award	Vann

Heimildir

• Fyrirmynd greinarinnar var „Ed Westwick“ á ensku útgáfu Wikipedia. Sótt maí 2012.