Jarðskjálftinn í Lissabon

Úr Wikipediu, frjálsa alfræðiritinu
Samtímakoparstunga sem sýnir eyðilegginguna í Lissabon

Jarðskjálftinn í Lissabon átti sér stað í Lissabon í Portúgal laugardaginn 1. nóvember árið 1755 um 9:40 að staðartíma. Í kjölfar jarðskjálftans reið flóðbylgja yfir borgina og eftir það kviknaði í byggingum sem sluppu við flóðið. Talið er að af 200.000 íbúum borgarinnar hafi 30-40.000 týnt lífinu. Borgin var rústir einar á eftir. Jarðskjálftinn hafði mikil áhrif á nýlenduveldi Portúgala og átti þátt í hnignun þess næstu ár. Mikið af fólki var í kirkju þegar jarðskjálftinn reið yfir þar sem bar upp á einn helgasta dag kaþólsku kirkjunnar, Allraheilagramessu og hrundu meðal annars heilu kirkjubyggingarnar yfir fólk.

Jarðskjálftinn fannst um alla Evrópu og í Norður-Afríku. Flóðbylgjan skall ekki aðeins á Lissabon heldur eyðilagði þorp og bæi við Algarve, á Asóreyjum, Madeira og strönd Marokkó. Flóðsins varð líka vart á Bretlandseyjum.


  Þessi grein er stubbur. Þú getur hjálpað til með því að bæta við greinina.