Prins Póló

Úr Wikipediu, frjálsa alfræðiritinu
Prins Póló brotið í tvennt.

Prins Póló (pólska: Prince Polo) er súkkulaði frá Póllandi sem notið hefur vinsælda hjá íslenskum neytendum um áratugaskeið.

Sagan[breyta | breyta frumkóða]

Sælgætistegundin var kynnt til sögunnar árið 1955 af fyrirtækinu Olza í Cieszyn í sunnanverðu Póllandi. Það varð þegar þegar vinsælt meðal heimamanna og varð snemma útflutningsvara til grannþjóðanna þar sem það hefur haft góða markaðshlutdeild til þessa dags.

Sama ár og varan kom á markað gerðu Íslendingar og Pólverjar vöruskiptasamning, þar sem Pólverjar keyptu fiskafurðir en í staðinn var nauðsynlegt að finna pólskar neysluvörur sem Íslendingum féllu í geð. Heildsala Ásbjörns Ólafssonar tryggði sér umboðið fyrir Prins Pólóinu og snúið var á strangar innflutningsreglur á erlendu sælgæti með því að skilgreina vöruna sem kex.

Þegar best lét átu Íslendingar að meðaltali eitt kíló af Prins Póló á mann á ársgrundvelli, en á árinu 2014 stóð talan í hálfu kílói.[1]

Prins Póló í dægurmenningu[breyta | breyta frumkóða]

  • Hljómsveitin Sumargleðin sendi frá sér lagið Prins Póló, um mann sem étur sælgætið í óhóflegu mæli
  • Prins Póló var listmannsnafn Svavars Péturs Eysteinssonar
  • Í Kristnihaldi undir jökli lýsir Halldór Laxness Prins Pólói á háðulegan hátt og kallar það vikur sem stökkt hefur verið ofan í súkkulaði
  • Prins Póló var listamannanafn tónlistarmannsins Svavars Péturs Eysteinssonar.
  Þessi matar eða drykkjargrein er stubbur. Þú getur hjálpað til með því að bæta við greinina.


Heimildir[breyta | breyta frumkóða]

  1. http://www.visir.is/islendingar-hesthusa-160-tonnum-af-prins-polo-a-ari/article/2014140139905