Will Smith
Will Smith | |
|---|---|
_(cropped).jpg) Will Smith árið 2019. | |
| Upplýsingar | |
| Fæddur | Willard Carroll Smith II 25. september 1968 Philadelphia, Pennsylvaníu, Bandaríkjunum |
| Þjóðerni | Bandaríkjunum |
| Ár virkur | 1985–[1] |
| Maki | Sheree Zampino (g. 1992; sk. 1995) Jada Pinkett (g. 1997; sk. 2016) |
| Börn | 3, þ. á m. Jaden og Willow |
| Vefsíða | willsmith |
| Undirskrift |  |
| Óskarsverðlaun | |
| Besti karlleikari í aðalhlutverki fyrir King Richard (2021) | |
Willard Carroll Smith II[2] (f. 25. september 1968) er bandarískur leikari, rappari og kvikmyndaframleiðandi. Smith er þekktur bæði fyrir störf sín á hvíta tjaldinu og í tónlistariðnaðinum og hefur meðal annars unnið Óskarsverðlaun, Golden Globe-verðlaun, BAFTA-verðlaun og fern Grammy-verðlaun. Kvikmyndir með Smith hafa þénað rúmlega tíu milljarða bandaríkjadala á heimsvísu[3][4] og hann er því ein arðbærasta kvikmyndastjarna í Hollywood.[5][6]
Smith varð upphaflega þekktur sem meðlimur í hipphopp-dúói ásamt DJ Jazzy Jeff. Þeir gáfu saman út fimm breiðskífur frá 1985 til 1994 með alls fimm lögum sem komust á Billboard Hot 100-lista: „Parents Just Don't Understand“, „A Nightmare on My Street“, „Summertime“, „Ring My Bell“ og „Boom! Shake the Room“. Smith gaf jafnframt út sólóplöturnar Big Willie Style (1997), Willennium (1999), Born to Reign (2002), Lost and Found (2005) og Based on a True Story (2025). Tvö lög hans, „Gettin' Jiggy wit It“ og „Wild Wild West“, náðu efst á vinsældalista í Bandaríkjunum.
Smith hóf feril sinn sem leikari með því að leika skáldfærða útgáfu af sjálfum sér í gamanþáttunum Svalur prins (The Fresh Prince of Bel-Air) á NBC (1990–1996). Hann hlaut tilnefningar til Golden Globe-verðlauna sem besti leikarinn í söng- eða gamanþáttum árin 1993 og 1994 fyrir þættina. Hann öðlaðist frekari frægð sem aðalleikari í kvikmyndröðum á borð við Tveir með öllu (1995–2024) og Menn í svörtu (1997–2012). Eftir aðalhlutverk í spennumyndunum Þjóðhátíðardagurinn (1996) og Óvinur ríkisins (1998) hlaut Smith tilnefningar til Óskarsverðlauna sem besti aðalleikarinn fyrir leiki sína sem Muhammad Ali í Ali (2001) og Chris Gardner í Hamingjuleit (2006). Hann lék einnig aðalhlutverk í tekjuháum kvikmyndum eins og Ég, vélmenni (2004), Hákarlasaga (2004), Hitch (2005), I Am Legend (2007), Hancock (2008), Seven Pounds (2008), Suicide Squad (2016) og Aladdín (2019).[7]
Smith vann Óskarsverðlaunin fyrir leik sinn sem Richard Williams í íþróttamyndinni King Richard (2021).[8] Stuttu áður en hann hlaut verðlaunin á Óskarsverðlaunaathöfninni 2022 löðrungaði Smith kynninn Chris Rock eftir að Rock gerði grín að eiginkonu Smiths, Jadu Pinkett Smith.[9] Atvikið vakti mikla fjölmiðlaathygli og gagnrýni sem leiddi til þess að Smith sagði upp aðild sinni að bandarísku kvikmyndaakademíunni og var bannað að mæta á alla viðburði hennar næstu tíu árin.[10]
Tilvísanir
[breyta | breyta frumkóða]- ↑ Huey, Steve. „DJ Jazzy Jeff & the Fresh Prince“. AllMusic. Afrit af uppruna á 16 júní 2019. Sótt 26. september 2019.
- ↑ Smith, Will (13 nóvember 2021). „Will Smith: 'I watched my father punch my mother so hard she collapsed'“. The Times. Afrit af uppruna á 14 janúar 2022. Sótt 14 janúar 2022. „My full name is Willard Carroll Smith II — not Junior.“
- ↑ „Will Smith - Box Office“.[óvirkur tengill]
- ↑ „Will Smith Movie Box Office Results“. Afrit af uppruna á 5. desember 2016. Sótt 30. desember 2016.
- ↑ Ide, Wendy (13 nóvember 2021). „Will Smith: now Hollywood royalty, the star's rise has been far from painless“. The Guardian. Afrit af uppruna á 26. mars 2022. Sótt 28. mars 2022.
- ↑ Miller, Julie (22 júní 2016). „Why Will Smith Regrets Wanting to Be the World's "Biggest Movie Star"“. Vanity Fair. Afrit af uppruna á 25 febrúar 2021. Sótt 28. mars 2022.
- ↑ „Will Smith – Turner Classic Movies“. TCM. Afrit af upprunalegu geymt þann 2. desember 2020. Sótt 18 ágúst 2022.
- ↑ Grein, Paul (28. mars 2022). „30 Milestones in Hip-Hop Awards History: Will Smith, Lauryn Hill & More“. Billboard. Afrit af uppruna á 29. mars 2022. Sótt 30. mars 2022.
- ↑ „Will Smith: Chris Rock's Oscar Joke about Jada Pinkett Smith not scripted, insider says“. independent.co.uk (bandarísk enska). 29. mars 2022. Afrit af uppruna á 29. mars 2022. Sótt 29. mars 2022.
- ↑ Barco, Mandalit del (8 apríl 2022). „The Academy bans Will Smith for 10 years for Chris Rock slap“. NPR. Afrit af uppruna á 28 maí 2022. Sótt 28 maí 2022.
