Wikipediaspjall:Breytingadeilur

Uppfærsla síðunnar (þýðing)

Ég uppfærði síðuna í samræmi við þá ensku. Ég bætti við þessari "reglu" (svokallaðri three-revert rule) um breytingadeilur. Endilega breytið til ef þið eruð ósammála og látið mig vita. Óskadddddd (spjall) 24. apríl 2025 kl. 19:56 (UTC)

Tilgangurinn á bak við bann eða verndun er að fá báða einstaklinga til að spjalla málið. Bannið eða verndunin er ekki hegning í sjálfu sér, heldur notuð til að fá deiluna af greininni og yfir í lausn á spjalli. Ég vill fjarlægja þessa setningu: "Notendur sem taka þátt í breytingadeilum tefla á tæpasta vað með hindrunum eða jafnvel banni.", hér er ég sérstaklega á móti orðunum "tæpasta vað". Hindrun og bann er sami hluturinn, bara sama enska orðið þýtt af tveimur einstaklingum á tvo vegu.

Það er ákveðið hlutfall af breytingardeilum þar sem notandi endurheimtir sína útgáfu eftir nokkrra daga, sem þarf að taka á. Það að leyfa aðgerðir bara innan 24 klukkutíma gengur ekki. Breytingardeilur sem gerast sjaldnar eru yfirvegaðri og það er gott mál.

Ég er líka ekki sammála textanum "Megir ekki taka aftur breytingu [...] jafnvel þótt það sé aðeins hluti af breytingunni eða efnið sé mismunandi". Jafnvel þó svo að einstaklingarnir séu ekki að ræða málið, þá er samt verið að koma á framfæri að breytingin væri ásættanleg ef henni sé breytt á ákveðinn hátt. Það er í þeim aðstæðum samt sem áður verið að komast að samkomulagi, þó svo umræðan sé betri leið. Raunar eru slíkar breytingar ákjósanlegri en notendur sem endurheimta eigin útgáfu. Ef það er þörf á að banna þetta þá ætti það að vera leyft sem forveri umræðu í stuttan tíma.

Það er algengt að verndanir séu notaðar í breytingardeilum, en ég vill meina að það sé hægt að nota mw:Partial blocks (meta:Community health initiative/Partial blocks/Description for use in local wiki communities) í sumum tilfellum. Með því er minna verið að loka á notendur sem koma ekki nálægt breytingardeilunni.

Legg til þessa viðbót. Setningin "Stjórnanda er heimilt að líta svo á að nokkur vistföng og/eða notendaaðgangar sem hafa margar svipaðar breytingar séu notaðar af sama notandanum." byggir á en:WP:DUCK og er víðtekin venja á mörgum Wikipedium, þó svo að það sé ekki regla.

Þegar einstaklingur tekur þátt í breytingardeilu skal hann hefja umræðu við þann sem deilt er við. Geri hvorugur deiluaðili það, skal stjórnandi hefja umræðuna, en öðrum notendum er einnig heimilt að hefja umræðu. 
Þegar einstaklingur heldur breytingardeilu áfram innan 24 klukkutíma eftir stofnun umræðu, skal eftir þrjár endurheimtur hindra viðkomandi og benda aftur á umræðuna. 
Þegar einstaklingur heldur breytingardeilu áfram með lengra millibili milli breytinga, skal eftir fimm endurheimtur hindra viðkomandi og benda aftur á umræðuna.
Þegar fleiri en tvö notendanöfn eða vistföng deila má stjórnandi nota verndun í stað hindrunar. Ef bara vistföng deila skal nota lægra verndunarstig, en hærra verndunarstigið ef eitt eða fleiri notendanöfn taka þátt. Einnig má nota verndun gegn langtímavörgum, þó svo að aðeins tvö notendanöfn eða vistföng taki þátt.
Þegar breytingardeila er á einni síðu skal aðeins banna síðuna þar sem breytingardeilan á sér stað.
Þegar breytingardeila er á fleiri síðum má banna notanda á fleiri síðum, en aldrei má banna breytingar á spjallsíðu notandans. Umræða um breytingardeilu skal nú eiga sér stað á spjallsíðu notandans.
Stjórnanda er heimilt að líta svo á að nokkur vistföng og/eða notendaaðgangar sem hafa margar svipaðar breytingar séu notaðar af sama notandanum.

Umræða um breytingardeilu skal fara eftir reglum Wikipedia:Framkoma á Wikipediu. Snævar (spjall) 25. apríl 2025 kl. 12:50 (UTC)

Takk fyrir svarið. Ég var einmitt að vonast eftir ummælum stjórnanda/möppudýrs. Ég hef ekkert á móti þessum tillögum þar sem textinn minn var þýðing á þeirri ensku og vissulega gildir sá texti ekki fyrir íslensku Wikipedíu. Margt hérna í tillögu þinni er algengt á Wikipedíu eins og ég hef séð um árin.

Í stuttu máli er ég sammála öllum tillögum þínum (þú ert raunar möppudýr). En ætti ekki að nota orðið 'Möppudýr' í stað 'Stjórnanda' þar sem það er formlega hugtakið á Wikipedíu? Óskadddddd (spjall) 25. apríl 2025 kl. 13:02 (UTC)

Það væri í lagi að nota "möppudýr" í stað "stjórnandi". Ástæðan fyrir þessum tveimur orðum er að á Íslensku Wikipediu er verið að veita tvö réttindi með möppudýraumsókn - möppudýr og stjórnandi, en ein réttindi á flestum öðrum stöðum. Möppudýr er þannig bureaucrat og stjórnandi er sysop, munurinn er skráður undir þessum tengli. Snævar (spjall) 25. apríl 2025 kl. 13:58 (UTC)

Ókei, ég skil. Þér er allavega frjálst að breyta síðunni, þar sem þetta eru tillögur þínar og þú skilur þetta betur en ég, en það er ekkert mál fyrir mig að setja þær sjálfur inn við tækifærið.

Óskadddddd (spjall) 26. apríl 2025 kl. 13:01 (UTC)

Sæll @Snævar, ég hafði tímann fyrir mér og nýtti hann í að setja inn tillögur þínar. Vonandi getirðu bætt breytingu mína frekar. Óskadddddd (spjall) 6. maí 2025 kl. 14:17 (UTC)