Wikipedia:Tillögur að úrvalsgreinum

Þessi síða er ætluð til þess að ákveða hvaða greinar geti fallið undir flokkinn úrvalsgreinar sem er frátekinn undir bestu greinar Wikipedia á íslensku, þangað eiga aðeins erindi greinar sem gera viðfangsefni sínu góð skil í vel skrifuðum og hnitmiðuðum texta.

Ef þú hefur tillögu að grein sem á heima í þessum flokki þá getur þú bætt henni við á listann hér fyrir neðan þar sem atkvæði verða greidd um hana. Ef grein er ekki alveg tilbúin til þess að verða úrvalsgrein alveg strax er kjörið að vekja athygli á henni á spjallsíðu hennar eða í úrvalsmiðstöðinni til að fá gagnrýni og tillögur um það sem betur má fara í greininni.

Þar sem Wikipedia er í eðli sínu síbreytileg þá er ekki víst að grein sem hefur verið samþykkt sem úrvals haldi þeirri nafnbót endalaust. Greinarnar geta tekið breytingum og kröfur til úrvalsgreina geta þróast með tímanum. Því er mikilvægt að endurmeta það reglulega hvort að grein sé ennþá úrvalsgrein. Á þessari síðu má einnig hefja umræður um endurmat úrvalsgreina.

Áður en þú greiðir atkvæði um tillögu er að sjálfsögðu mikilvægt að þú lesir greinina sem er til umræðu vel yfir fyrst og hugir vel að þeim kröfum sem gera verður til úrvalsgreina.

Að neðan eru leiðbeiningar um hvernig atkvæði eru greidd um úrvalsgreinar.

Ný tilnefning Ef þú ert sammála tilnefningunni þá skrifar þú * {{Samþykkt}} (birtist sem:  Samþykkt) við hana og rökstuðning ef einhver er. Ef þú ert ósammála tilnefningunni þá skrifar þú * {{Á móti}} (birtist sem:  Á móti) við hana auk rökstuðnings. Tillaga þarf 75% greiddra atkvæða og aldrei minna en stuðning 4 atkvæða til þess að teljast samþykkt. Sá sem tilnefnir grein telst hafa greitt atkvæði með henni nema annað sé tekið fram. Þó skal ávallt leitast við að ná fram sem víðtækastri sátt um úrvalsgreinar. Tillaga skal vera til umfjöllunar í fjórtán daga að lágmarki. Tillaga telst felld ef hún hefur verið til umræðu í tvo mánuði án þess að vera samþykkt.	Endurmat Ef þú telur rétt að greinin haldi nafnbót sinni þá skrifar þú * {{Halda}} (birtist sem:  Halda) við hana og rökstuðning ef einhver er. Ef þú telur rétt að greinin missi nafnbót sína þá skrifar þú * {{Afskrá}} (birtist sem:  Afskrá) við hana auk rökstuðnings. Greinin þarf stuðning minnst 3ja atkvæða til þess að teljast standast endurmat. Atkvæði um afskráningu skulu aldrei vera meiri en 25% atkvæða. Þó skal ávallt leitast við að ná fram sem víðtækastri sátt um úrvalsgreinar. Tillaga skal vera til umfjöllunar í fjórtán daga að lágmarki. Grein telst afskráð sem úrvalsgrein ef hún hefur verið til umræðu í tvo mánuði án þess að fá nægan stuðning til að halda nafnbótinni. Eftir að grein hefur verið samþykkt sem gæðagrein skal ekki tilnefna hana til endurmats í átján mánuði eftir það nema sérstakar ástæður mæli með öðru. Það sama gildir í eitt ár eftir að grein hefur staðist tillögu um endurmat.
Kosningarétt hafa allir skráðir notendur sem hafa verið skráðir í mánuð eða lengur og hafa a.m.k. 100 breytingar í aðalnafnrými. Ef þú ert hlutlaus, en vilt samt vera með í kosningaumræðunni skrifar þú * {{Hlutlaus}} (birtist sem:  Hlutlaus)og rökstyður ef þú telur þess þörf. Ef þú vilt koma að athugasemd eða spurningu án þess að það sé talið sem atkvæði gerir þú * {{Athugasemd}} (birtist sem:  Athugasemd) eða * {{Spurning}} (birtist sem:  Spurning).
Tilnefna grein!	Endurmeta grein

Breska Austur-Indíafélagið

Dagsetning: 1-11-2025
~2025-30885-12 tilnefnir greinina Breska Austur-Indíafélagið:
Grein er vel skrifuð og endurmetin frá upprunalegu formi. Þar er kafað djúpt ofan í almennar staðhæfingar og sögu á merkilegu félagi. Þar er rýnt ofan í stjórn og skipulag félagsins og borið saman við nútíma hlutafélög. Einnig er merkilegt að sjá þau áhrif sem félagið hafði á land eins og Indland. Þarna er talað um hlið sögunnar sem ekki margir vita um þegar kemur að Breska Austur-Indía félagið.

Umræða

•  Samþykkt --~2025-30885-12 (spjall) 1. nóvember 2025 kl. 18:48 (UTC)
•  Samþykkt Adalhopursaga (spjall) 1. nóvember 2025 kl. 18:52 (UTC)
•  Samþykkt Fagleg og vel skrifuð grein. Skemmtilegt félag sem fær ekki að blómstra nóg. Skemmtileg uppsetning og grípur vel til lesandans. Ég samþykki þessa tillögu þar sem hún skilgreinir vel bæði efnahagsleg og pólitísk mál á þessum grundvelli. Einnig er gaman að sjá eins og tilnefnandi segir, áhrif félagsins á Indland sem er oft partur sögunnar sem gleymist þegar talað er um þetta mikla félag. 10/10 frá mér! GudmundurK (spjall) 1. nóvember 2025 kl. 19:08 (UTC)

  Tók út þrjú atkvæði sem eru ekki gild þar sem um glænýja notendur er að ræða. Þessir notendur virðast hafa verið búnir til bara til að kjósa um þessa grein. Athyggli er vakin á því að notendur þurfa að vera búnir að gera 100 gagnlegar breytingar til að hafa kostningarétt. Sami aðilinn má heldur ekki kjósa tvisvar með mismunandi notendanöfnum. --Steinninn 1. nóvember 2025 kl. 19:38 (UTC)