Wicklow-fjöll

Kort.

Lugnaquilla.

Wicklow-fjöll (írska: Sléibhte Chill Mhantáin) er stærsta fjalllendi á Írlandi. Fjöllin þekkja miðhluta Wicklow-sýslu, um 500 ferkílómetra, og teygja sig í Dublin-sýslu þar sem þau eru þekkt sem Dublin-fjöll. Hæsti punktur Wicklow-fjalla er Lugnaquilla sem er 925 metrar yfir sjávarmáli. Árnar Liffey, Dargle, Slaney og Avoca eiga uppruna sinn í fjöllunum. Uppistöðulón hafa verið byggð við þær til að veita íbúum Dyflinnar vatn. Einnig eru þar náttúruleg stöðuvötn. Powerscourt-foss sem er næsthæsti foss Írlands er að finna við Wicklow-fjöll. Í dölum fjallanna er lauf- og barrskógur. Fjöllin hafa lengi verið felustaður uppreisnarmanna í landinu. Málmar hafa verið unnir þar en síðasta náman lokaði árið 1957.

Dádýr, geitur, hérar, greifingjar, otrar, íkornar og leðurblökur eru meðal villtra spendýra. Wicklow-fjalla-þjóðgarðurinn var stofnaður árið 1991 og þekur 200 ferkílómetra.

Tenglar

• Wicklow Mountains National Park