Graff
.jpg)
Graff, graffítí eða veggjakrot er áletrun eða mynd sem máluð er á veggi og aðra hluti í almannarými, oftast í leyfisleysi. Graff nær allt frá einföldum fangamörkum eða stílfærðum nöfnum (töggum) sem eru rist eða máluð á hluti, að stórum vegglistaverkum þar sem mikil hugsun og vinna liggur að baki.
Tögg hafa tíðkast frá fornu fari, en graff er umdeilt í samtímanum. Sumir vilja líta á áletranir í leyfisleysi sem skemmdarverk. Nútímagraff má rekja til úðabrúsalistamanna sem máluðu á veggi neðanjarðarlestarstöðva í New York-borg og Philadelphia á 8. áratug 20. aldar. Graffið breiddist svo út um allan heim, meðal annars með vinsældum hip hop- og rapptónlistar.[1][2] Meðal þekktustu graffara samtímans má nefna Blade, Cornbread, Futura 2000, Dondi White, Blek le Rat og Banksy.
Tilvísanir
[breyta | breyta frumkóða]- ↑ Valdimar Tr. Hafstein (2003). „Graffíti: List á röngum stað“. Lesbók Morgunblaðsins. 78 (4): 8–9.
- ↑ Caves, R. W. (2004). Encyclopedia of the City. Routledge. bls. 315.
