Valtteri Bottas
Valterri Bottas | |
|---|---|
 Bottas árið 2022 | |
| Fæddur | Valterri Viktor Bottas 28. ágúst 1989 |
| Þjóðerni |  Finnskur |
| Störf | Formúlu 1 ökumaður |
Valtteri Viktor Bottas (f. 28. ágúst, 1989) er finnskur ökuþór sem er í dag varaökumaður fyrir Mercedes liðið í Formúlu 1. Bottas hóf Formúlu 1 ferill sinn með Williams liðinu árið 2013 og var með því liði til ársins 2016. Ári seinna skrifaði Bottas undir samning hjá Mercedes-Benz liðinu og keppti með þeim til ársins 2021 þegar samningur hans við liðið rann út. Árið 2022 byrjaði Bottas að keyra fyrir Alfa-Romeo liðið og keppti með þeim til ársins 2023. Árið 2024 breytti liðið um nafn og heitir Kick Sauber í dag. Í raun og veru er það nánast sama liðið sem keppir fyrir sömu samsteypuna Sauber-samsteypuna (Sauber Motorsport) en samstarf þeirra við Alfa-Romeo endaði árið 2023.[1] Bottas keyrði fyrir Kick Sauber árið 2024 og það varð hann síðasta tímabil sem aðalökumaður liðs í Formúlu 1 til þessa. Árið 2025 er Bottas nú varaökumaður Mercedes-Benz. Bottas hefur tvisvar sinnum endað í öðru sæti í heimsmeistaramótinu í Formúlu 1 og einnig endað tvisvar sinnum í þriðja sæti. Þó hefur Bottas aldrei orðið heimsmeistari í Formúlu 1.
Tilvísanir
[breyta | breyta frumkóða]- ↑ Donaldson, Alex (15. desember, 2023). „Alfa Romeo exits F1 as title sponsorship with Sauber ends“. Sportcal. Sótt 17. ágúst, 2024.
Heimildir
[breyta | breyta frumkóða]- Valterri Bottas á formula1.com