Vallakía

Vallakía sem hluti af Rúmeníu.

Vallakía (eða Valakía) er sögulegt hérað í Rúmeníu, sem liggur norðan við Dóná og sunnan við Suður-Karpatafjöll.

Vallakía var gerð að furstadæmi á 14. öld af Basarab I eftir uppreisn gegn Karli I Ungverjalandskonungi. Árið 1415 gerðist Vallakía undirsáti Tyrkjaveldis og var það oftast svo allt fram á 19. öld. Árið 1862 gekk Vallakía í samband við Moldavíu, og saman mynduðu þau Rúmeníu.

Í fornum norrænum og sænskum heimildum, eins og í Flateyjarbók, Heimskringlu og á sænskum rúnasteinum, koma fyrir heiti eins og Blökumenn og Blökumannaland. Sumir fræðimenn telja að þessi heiti vísi til Vallaka og Vallakíu, og rekja það til gríska orðsins Βλάχοι (Blakhoi), sem notað var um rómönskumælandi þjóðir á Balkanskaga.

  Þessi landafræðigrein er stubbur. Þú getur hjálpað til með því að bæta við greinina.