Valdimar Leó Friðriksson
| Valdimar Leó Friðriksson | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| Alþingismaður | |||||||||||||||||
| |||||||||||||||||
| Persónulegar upplýsingar | |||||||||||||||||
| Fædd(ur) | 20. júlí 1960 Akureyri | ||||||||||||||||
| Æviágrip á vef Alþingis | |||||||||||||||||
Valdimar Leó Friðriksson (f. 20. júlí 1960) er fyrrum alþingismaður. Hann skipaði 6. sæti á lista Samfylkingar í suðvesturkjördæmi í alþingiskosningunum 2003. Flokkurinn fékk fjóra menn kjörna og Valdimar varð annar varamaður. Hann kom svo inn á þing sem aðalmaður 1. október 2005 þegar Guðmundur Árni Stefánsson sagði af sér þingmennsku til að taka við sendiherraembætti og fyrsti varamaður afþakkaði sætið.[1][2] Í nóvember 2006 sagði Valdimar skilið við þingflokk Samfylkingar og var utan þingflokka þar til í janúar 2007 þegar hann gekk til liðs við Frjálslynda flokkinn.[3] Valdimar skipaði annað sæti lista Frjálslynda flokksins í suðvesturkjördæmi í kosningunum 2007 en þá náði flokkurinn engum manni að í kjördæminu.
Fyrir utan setu á Alþingi hefur Valdimar starfað innan íþróttahreyfingarinnar. Hann var framkvæmdastjóri Ungmennafélagsins Aftureldingar í 11 ár frá 1994 til 2005 og síðar framkvæmdastjóri Skuatasambandsins, Borðtennissambandsins og Taekwondosambandsins auk þess að gegna formennsku í Ungmennasambandi Kjalarnesþings í 20 ár. Hann bauð sig fram í formannskjöri ÍSÍ árið 2025.[4]
Valdimar var ráðinn framkvæmdarstjóri Landssambands slökkviliðsmanna 2007 og gegndi því starfi til 2017.[5][6] Í desember 2024 var tilkynnt að hann myndi taka við starfi stéttarfélagsins Virðingar í janúar 2025 en það var nýstofnað stéttarfélag fyrir starfsfólk í veitingageiranum sem var harðlega gagnrýnt sem gult stéttarfélag, þ.e. stéttarfélag sem er beinlínis stofnað af atvinnurekendum eða undir óhæfilegum áhrifum þeirra. Í maí 2025 kom fram að Valdimar hefði rift ráðningarsamningi við Virðingu þar sem hann hefði ekki fengið greidd laun.[7]
Tilvísanir
[breyta | breyta frumkóða]- ↑ „Framkvæmdastjóraskipti“. Mosfellingur. 16. september 2005. bls. 1.
- ↑ „Reynsluboltar og ráðherrar af þingi“. Blaðið. 8. maí 2007. bls. 32.
- ↑ „Nýr þingmaður frjálslyndra“. Morgunblaðið. 22. janúar 2007. bls. 10.
- ↑ „Valdimar verður með í forsetaslagnum“. Vísir.is. 25. apríl 2025. Sótt 13. janúar 2026.
- ↑ „Ég er hissa á því hversu vanmetið starf slökkviliðsmanna er í launum“. Slökkviliðsmaðurinn. 1. nóvember 2007. bls. 20.
- ↑ Var framkvæmdastjóri LSOS í maí 2017 en nýr framkvæmdarstjóri var ráðinn í desember sama ár.
- ↑ Kristinn H. Guðnason (3. maí 2025). „Valdimar Leó rifti ráðningarsamningi við Virðingu og er ekki undir rannsókn Samkeppniseftirlitsins“. DV. Sótt 13. janúar 2026.