Vífilfell

Vífilfell var íslenskur drykkjaframleiðandi og matvæladreifingaraðili. Fyrirtækið var stofnað af Birni Ólafssyni kaupmanni 1. júní 1942 til að framleiða drykkjarvörur undir sérleyfi frá Coca Cola fyrir íslenskan markað. 2001 sameinaðist fyrirtækið fyrirtækinu Sól-Víking undir merkjum Vífilfells. Síðan hefur framleiðsla ávaxtadrykkja á borð við Svala og ölgerð Viking og Thule farið fram innan vébanda fyrirtækisins. Ölgerð Vífilfells fer fram í verksmiðju Víking að Furuvöllum á Akureyri.