USCGC Alexander Hamilton
_Dec_1941.jpg) | |
| Skipstjóri: | |
| Útgerð: | Bandaríska strandgæslan |
| Þyngd: | 2.350 brúttótonn |
| Lengd: | 100 m |
| Breidd: | 12 m |
| Ristidýpt: | 3,81 m |
| Vélar: | |
| Siglingahraði: | 19 sjómílur |
| Tegund: | Strandgæsluskip |
| Bygging: | New York Navy Yard, Bandaríkin |
USCGC Alexander Hamilton (WPG-34) var strandgæsluskip af Tressury-gerð sem var í þjónustu bandarísku strandgæslunnar. Skipið var nefnt eftir einum af landsfeðrum Bandaríkjanna og fyrsta fjármálaráðherra landsins, Alexander Hamilton.[1] Skipinu var sökkt af þýskum kafbát í Faxaflóa í janúar 1942 og var fyrsta skip strandgæslunnar til að vera sökkt í síðari heimsstyrjöldinni.[2]
Saga
[breyta | breyta frumkóða]Alexander Hamilton var smíðaður í New York Navy Yard fyrir bandarísku strandgæsluna.[1] Kjölurinn var lagður 11. september 1935 og var skipið sjósett þann 6. janúar 1937.[3] Strandgæslan hafði stytt nafnið í Hamilton það ár en tóku aftur upp fullt nafn í janúar 1942 eftir beiðni bandaríska sjóhersins til að forðast rugling við tundurspillinn USS Hamilton.[2]
Þann 29. janúar 1942 varð Alexander Hamilton fyrir tundurskeytum frá þýska kafbátnum U-132, sem hafði verið að vakta strandlengjuna á Íslandi nálægt Reykjavík.[1] Tuttugu menn fórust samstundis og sex seinna af sárum sínum. Eftir að skipinu hvolfdi 30. janúar var björgunartilraunum á því hætt og tundurspillirinn USS Ericsson sökkti flakinu með þremur fallbyssuskotum um 45 km frá landi.[1][2]
Flak
[breyta | breyta frumkóða]Flak skipsins fannst árið 2009 af Landhelgisgæslu Íslands. Þann 7. júlí það ár varð flugvél landhelgisgæslunnar, TF-SIF, vör við olíuflekk á Faxaflóa og beindist grunur fljótlega að skipsflaki. Í ágúst fann svo sjómælingabáturinn Baldur flakið á um 90 metra dýpi.[4]
Tilvísanir
[breyta | breyta frumkóða]- 1 2 3 4 „Alexander Hamilton: WPG-34“ (PDF). U.S. Coast Guard. 20 október 2009. Afrit af upprunalegu (PDF) geymt þann 30 apríl 2017. Sótt 1 febrúar 2011.
- 1 2 3 Browning Jr., Robert M. (2. september 2009). „The First Loss: The Sinking of the Alexander Hamilton“. U.S. Coast Guard. Afrit af upprunalegu geymt þann 27 maí 2012. Sótt 1 febrúar 2011.
- ↑ Helgason, Guðmundur. „USCGC Alexander Hamilton (WPG 34)“. German U-boats of WWII. Afrit af upprunalegu geymt þann 19 júní 2010. Sótt 1 febrúar 2011.
- ↑ Grettisson, Valur (19 ágúst 2009). „Fundu sokkið herskip í Faxaflóanum - Vísir“. visir.is. Sótt 7 júní 2025.
Frekari lesning
[breyta | breyta frumkóða]- Ostrom, Thomas P. (2009). The United States Coast Guard in World War II: A History of Domestic and Overseas Actions. Jefferson, North Carolina: McFarland & Company. bls. 6. ISBN 978-0-7864-4256-0. OCLC 261400318.
- U.S. Coast Guard (1994). Coast Guard Combat Veterans: Semper Paratus. Paducah, Kentucky: Turner Publishing Company. ISBN 978-1-56311-104-4. OCLC 34202225.
Ytri tenglar
[breyta | breyta frumkóða]- Alexander Hamilton í Naval Historical Center
- USCGC Hamilton á history.uscg.mil
- USS Alexander Hamilton á HistoryCentral.com
- Hér má finna myndband af leiðangrinum