Tryggvi Gíslason
Tryggvi Gíslason (11. júní 1938 – 8. júní 2026) var skólameistari Menntaskólans á Akureyri í 31 ár, frá 1972 til 2003.
Tryggvi var fæddur á Norðfirði en fluttist 7 ára til Akureyrar. Foreldrar hans voru Fanny Kristín Ingvarsdóttir, húsfreyja frá Ekru í Norðfirði, og Gísli Kristjánsson, útvegsbóndi frá Sandhúsi í Mjóafirði, og átti hann fimm systkini. Hann útskrifaðist frá Menntaskólanum á Akureyri 1958 og meistaraprófi í íslensku frá Háskóla Íslands 1968 með málfræði og norræn fræði sem sérgreinar.
Áður en hann var skipaður skólameistari við Menntaskólann á Akureyri hafði hann verið blaðamaður hjá Tímanum og Ríkisútvarpinu. Hann var bæjarfulltrúi á Akureyri 1978 til 1982, formaður Háskólanefndar Akureyrar 1980 til 1986 og deildarstjóri í skóla- og menningarmáladeild Norrænu ráðherranefndarinnar í Kaupmannahöfn 1986 til 1990. Tryggvi var jafnframt formaður stjórnar Hollvinasamtaka Ríkisútvarpsins og formaður stjórnar Menningarfélagsins Hrauns í Öxnadal.
Eiginkona Tryggva var Margrét Eggertsdóttir kennari en þau eignuðust saman sex börn.