Trent

Trent er þriðja lengsta fljót Englands. Áin á upptök í Staffordshire og fer m.a. í gegnum þéttbýlin Stoke-on-Trent, Burton-upon-Trent og Nottingham áður en hún sameinast ánni Ouse. Trent hefur oft flætt yfir bakka sína og breytt um farveg eftir stórflóð. Síðasta stórflóð var árið 2000. Sjávarflóð upp í ána eru hugsanlega kennd við sjávarguðinn Ægi, Trent Aegir. Önnur skýring er úr fornensku, eagor eða flóð.