Tom Lehrer

Tom Lehrer (1957)

Tom Lehrer spilar í Kaupmannahöfn 1967.

Thomas Andrew Lehrer (f. 9. apríl 1928 í New York, d. 26. júlí 2025) var bandarískur tónlistarmaður, satíristi og stærðfræðingur. Hann lærði á klassískt píanó frá 7 ára aldri. Lehrer var kennari meðal annars við Harvard og lengst af við Kaliforníu-háskóla.

Lehrer samdi gamansöm og stundum pólitísk lög. Eitt þekktasta lag hans er The Elements þar sem hann þylur lotukerfið á ofsahraða. Einnig má nefna National Brotherhood Week sem fjallar um samskipti kynþátta, Vatican Rag sem gagnrýndi kaþólsku kirkjuna og We Will All Go Together When We Go sem fjallaði um kjarnorkustríð. Tónlistarferillinn varð þó ekki langur og eftir 1965 helgaði Lehrer sig háskólakennslu.

Árið 2020 gaf hann réttinn af lögunum sínum frjálsan.

Útgáfur

Plötur

• Songs by Tom Lehrer (1953)
• More of Tom Lehrer (1959)

Tónleikaplötur

• An Evening Wasted with Tom Lehrer (1959)
• Revisited (1960)
• That Was the Year That Was (1965)