Fara í innihald

Thick as a Brick

Úr Wikipediu, frjálsa alfræðiritinu
Thick as a Brick
Breiðskífa
FlytjandiJethro Tull
Gefin út3. mars 1972
Tekin uppDesember 1971 í Morgan Studios, London
StefnaFramsækið rokk
Lengd43:46
ÚtgefandiChrysalis
StjórnIan Anderson
Tímaröð – Jethro Tull
Aqualung
(1971)		 Thick as a Brick
(1972)		 Living in the Past
(1972)

Thick as a Brick er 5. breiðskífa ensku hljómsveitarinnar Jethro Tull. Platan er þemaplata og er í raun eitt stykki sem skipt er í tvennt á plötunni og er nær 44 mínútur að lengd. Platan var gefin út sem LP-plata og í formi dagblaðs sem greindi frá undrabarninu Gerald Bostock, 8 ára ljóðskáldi sem orti epísk ljóð og tók þátt í ljóðakeppni. Anderson hefur tjáð að platan var í raun paródía af progrokki sem var farið að ryðja sér rúms á þeim tíma. [1] En það hafði angrað hann að síðustu plötu, Aqualung, var lýst sem þemaplötu vegna nokkurra laga um trúarbrögð. Því tók hann sig til og ákvað að gera móður allra þemaplatna í Thick as a Brick. [2].

Tónlistin á plötunni er mjög framsækin og skiptir oft um gír; stíl og hraða. Meðal stíla eru rokk, klassísk tónlist og þjóðlagatónlist. Hljóðfæri eins og flauta, saxófónn, fiðla, hammond-hljómborð, semball, trompet, harmonikka, pákur, orgel, píanó og lúta eru meðal þeirra sem eru notuð utan hefðbundinna rokkhljóðfæra.

Árið 2012 gaf Ian Anderson út Thick as a Brick 2 sem framhald af plötunni og undir sínu nafni en ekki Tull. Árið 2014 kom svo út tónleikaplatan og DVD/Blue-ray útgáfan Thick as a Brick – Live in Iceland þar sem tónleikum í Hörpu, Reykjavík voru gerð skil og spilað var efni af báðum plötunum.

Prog Magazine setti plötuna í 5. sæti yfir 100 bestu prog-plötur allra tíma. [3] og Rolling Stone gaf henni 7. sæti yfir 50 bestu progrokk-plöturnar. [4]

Lagalisti

[breyta | breyta frumkóða]
Hlið 1
Nr.TitillLengd
1.„Thick as a Brick
  • "Really Don't Mind" / "See There a Son Is Born" (5:00)
  • "The Poet and the Painter" (5:29)
  • "What Do You Do When the Old Man's Gone?" / "From the Upper Class" (5:25)
  • "You Curl Your Toes in Fun" / "Childhood Heroes" / "Stabs Instrumental" (6:48)“
22:40
Hlið 2
Nr.TitillLengd
2.„Thick as a Brick
  • "See There a Man Is Born" / "Clear White Circles" (5:58)
  • "Legends and Believe in the Day" (6:34)
  • "Tales of Your Life" (5:24)
  • "Childhood Heroes Reprise" (2:56)“
21:06
Samtals lengd:43:46

Tenglar

[breyta | breyta frumkóða]

Tilvísanir

[breyta | breyta frumkóða]
Sótt frá „https://is.wikipedia.org/w/index.php?title=Thick_as_a_Brick&oldid=1949909“