Taylor Hawkins

Úr Wikipediu, frjálsa alfræðiritinu
Jump to navigation Jump to search
Hawkins 2017.

Taylor Hawkins (17. febrúar 1972 – 25. mars, 2022) var bandarískur tónlistarmaður. Hann var þekktastur sem trommari hljómsveitarinnar Foo Fighters sem hann spilaði með frá árinu 1997 til dauðadags.

Hawkins fæddist í Texas en ólst upp í Kalíforníu. Þegar hann var að læra á trommur voru meðal helstu áhrifavalda hans Roger Taylor úr Queen, Phil Collins úr Genesis, Stewart Copeland úr The Police og Stephen Perkins úr Jane's Addiction.[1]

Snemma á ferlinum spilaði Hawkins í hljómsveitunum Sylvia og Sass Jordan. Hæfileikar hans vöktu athygli Alanis Morissette sem fékk hann til að tromma á tónleikaferðum sínum. Á þeim tíma kynntist Hawkins Dave Grohl, fyrrverandi meðlim Nirvana, sem bauð honum fljótlega að gerast trommari í nýju hljómsveit sinni, Foo Fighters. Á tónleikum skiptust Grohl og Hawkins stundum um hlutverk, Grohl fór á trommur og Hawkins söng og spilaði á gítar. Hawkins söng á nokkrum lögum á plötum og smáskífum með Foo Fighters.

Meðfram því að spila með Foo Fighters vann Hawkins að tónlist með ýmsum öðrum. Þar má helst nefna Taylor Hawkins and the Coattail Riders sem gáfu út þrjár plötur (2006-2019).

Hawkins var giftur og átti þrjú börn. Hann hafði lengi barist við fíkniefnavanda og var nærri dauða árið 2001 eftir að hafa tekið of stóran skammt af heróíni.[2]

Hawkins fannst látinn í hótelherbergi í Bogotá, Kólumbíu, þegar Foo Fighters voru þar á tónleikaferðalagi. Dánarorsök er talin hafa verið neysla fíkniefna og lyfseðilsskyldra lyfja [3]. Hann var fimmtugur að aldri.

Skífur[breyta | breyta frumkóða]

Foo Fighters[breyta | breyta frumkóða]

  • There Is Nothing Left to Lose (1999)
  • One by One (2002)
  • In Your Honor (2005)
  • Echoes, Silence, Patience & Grace (2007)
  • Wasting Light (2011)
  • Sonic Highways (2014)
  • Saint Cecilia (2015)
  • Concrete and Gold (2017)
  • Medicine at Midnight (2021)

Taylor Hawkins and the Coattail Riders[breyta | breyta frumkóða]

  • Taylor Hawkins and the Coattail Riders (2006)
  • Red Light Fever (2010)
  • Get the Money (2019)[55]

NHC[breyta | breyta frumkóða]

  • Intakes & Outtakes (EP) (2022)

The Birds of Satan[breyta | breyta frumkóða]

  • The Birds of Satan (2014)

Coheed and Cambria[breyta | breyta frumkóða]

  • Good Apollo, I'm Burning Star IV, Volume Two: No World for Tomorrow (2007)

Sóló[breyta | breyta frumkóða]

  • Kota (EP) (2016)

Tilvísanir[breyta | breyta frumkóða]

  1. Drum Icon interviews MusicRadar, sótt 27. mars 2022
  2. In pictures: Taylor Hawkins, a drummer who 'served the song'BBC, sótt 27. mars 2022
  3. Taylor Hawkins: Drugs found in body of late Foo Fighters drummerBBC, sótt 27. mars 2022